TVB力捧上位小生大盤點 朱敏瀚擺脫「萬年細佬」首做男一

TVB力捧上位小生大盤點 朱敏瀚擺脫「萬年細佬」首做男一
TVB力捧上位小生大盤點 朱敏瀚擺脫「萬年細佬」首做男一

近日有網民於討論區以「Tvb現時一線小生普遍都over 45歲,繼續捧佢地之時要搵下其他生力軍」為題出PO,表示應該要畀多啲機會後生一輩,又指而家力捧緊嘅小生以周嘉洛吳偉豪、丁子朗、朱敏瀚最多機會,一齊嚟睇吓而家被受TVB力捧中有望上位嘅一線小生有邊幾位啦!

周嘉洛
周嘉洛憑TVB處境劇《愛·回家之開心速遞》廢青「金城安」一角成功入屋,喺《萬千星輝頒獎典禮2019》中更奪得「最佳男配角」獎項;喺人人都記得佢個角色嗰陣暫別處境劇劇組,「升呢」擔任古裝喜劇《痞子殿下》男一,首次擔正就於《萬千星輝頒獎典禮2022》勇奪「最受歡迎電視男角色」,喺台上周嘉洛就表示:「縱使呢一刻我未必可以好穩咁拎住呢個獎,但係我答應你哋,之後嘅日子我會證明畀大家睇我會做得更加好,我會演好戲畀大家睇。」

周嘉洛
周嘉洛
周嘉洛
周嘉洛

吳偉豪
吳偉豪從小喜歡演戲,中學畢業後就報名藝員訓練班繼而入行發展,憑TVB處境劇《愛·回家之開心速遞》朱凌凌一角成功入屋,帥氣外貌加爆肌身形迷倒唔少觀眾。吳偉豪2021年流出私密裸露影片,報警處理並一度停工,不過吳偉豪睇得好開,表示唔會回頭再想太多,希望觀眾將焦點放於工作上。而3月底,吳偉豪將與陳煒、馬德鐘合作拍攝《非常檢控觀》。

吳偉豪
吳偉豪
吳偉豪
吳偉豪

丁子朗
丁子朗(Karl)於2016年參選香港先生選舉勇奪亞軍、最上鏡先生及現場最受歡迎香港先生入行,當時仲放棄咗加拿大名校讀書嘅機會。丁子朗入行後機會不斷,有份主持大騷之外,更於2022年播出嘅《青春不要臉》中擔任男一,而4度提名「飛躍男藝員」嘅丁子朗亦終於喺《萬千星輝頒獎典禮2021》奪得獎項。同年,丁子朗與「A0女神」郭柏妍於《下流上車族》飾演情侶廣受好評,又傳出二人戲假情真;及後於今年2月底開鏡嘅《奪命提示》與郭柏妍再度合演情侶。

丁子朗
丁子朗
丁子朗
丁子朗

朱敏瀚
2010年入行嘅朱敏翰因參演《點解阿Sir係阿Sir》,憑劇中「莫澤基」一角變得為人熟悉。不過,朱敏瀚因外型青靚白淨多飾演細佬角色,獲網民封為「萬年細佬」;其後終於憑《反黑路人甲》、《機場特警》及《C9特工》等劇集奪得「飛躍進步男藝員」獎,之後再獲得《萬千星輝頒獎典禮2021》「最佳男配角」。今年1月份,朱敏翰就孖住王敏奕、林景程及胡蓓蔚拍攝新劇《虛擬情人》,於劇中擔任男一,佢就認為角色嘅發揮空間好大。

朱敏瀚
朱敏瀚
朱敏瀚
朱敏瀚

黃庭鋒
黃庭鋒入行前係一名體育老師,不過佢就認為無法接受自己20年後人生咁苦悶而決定放棄教席,決心入行並擔任主持工作,惟2019年突捲入被追數風波,直言當時心情好難捱,所以與公司及家人溝通過後報警處理。2022年,黃庭鋒共有5套劇集推出,當中《美麗戰場》、《超能使者》及《法證先鋒5》都係台慶劇,被指係上位小生之一。

黃庭鋒
黃庭鋒
黃庭鋒
黃庭鋒

張馳豪
張馳豪(Aska)喺《聲夢傳奇》十二強止步,但無阻之後嘅發展,除咗曾擔任《男神廚房》嘉賓,亦與潘靜文(Sherman)包辦《你的晚安我的早餐》作曲、填詞及主唱,更推出《十八年後的終極告白2.0》主題曲《色彩背面》以及作曲《聲夢傳奇2》嘅主題曲《我超越我》。張馳豪亦於台慶劇《美麗戰場》飾演茶餐廳太子爺「家明」,觀眾就覺得張馳豪扮學生無唯和感,害羞得嚟有啲青澀可愛。

張馳豪
張馳豪
張馳豪
張馳豪

吳兆麟
吳兆麟係其中一個網民提到嘅上位小生之一,被讚靚仔又高。早前曾參賽真人騷節目《全城一叮》,與黃瀅仴滲入拉丁及小提琴元素表演歌舞劇;現正主持J2台節目《不正常愛情研究所》,與J2ers黃紫恩(Jojo)、胡敏芝(Karen)探索性知識及年輕人題材。

吳兆麟
吳兆麟
吳兆麟
吳兆麟

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!