TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

·3 分鐘文章
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

拍足4輯都保持一定收視嘅TVB劇《法證先鋒》,最近有傳即將開拍嘅第5輯,男女主角原本屬意周柏豪同黃翠如,但因為不同原因而易角,「男一」由離巢4年嘅黃宗澤頂上,女主角就落入堪稱TVB新寵嘅蔡潔手上。

簽約邵氏3年就已經為重頭劇孭飛,睇返過去嘅新聞,32歲嘅蔡潔肯搏又識睇風勢,比起等運到嘅姐仔更有鬥心。要紅,就係要有呢啲特質架啦!

TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

喺內地成長嘅蔡潔,就讀廣州暨南大學導演系,係《還珠格格》「皇阿瑪」張鐵林嘅愛徒。2012年蔡潔喺澳洲讀碩士嗰陣參加墨爾本華裔小姐,一口氣拎咗7個大獎,破晒大會紀錄。2013年佢再代表墨爾本參加TVB國際中華小姐,並贏得最受傳媒歡迎佳麗獎。

TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

選完華姐之後蔡潔返澳洲完成學業,畢業後被導演彭浩翔相中,演出電影《香港仔》,飾演曾志偉外遇對象「護士仔」,戲中同曾志偉有全裸肉搏戲份,意識大膽,並憑該片獲提名第34屆香港電影金像獎最佳新演員。蔡潔之後加盟黃柏高旗下嘅太陽娛樂文化,不過未見有突出之作,到2018年「轉會」,由王晶嘅星王朝同邵氏共同管理,算係4分1個TVB親生女,拍過《飛虎之雷霆極戰》演電腦專家,同吳卓羲有感情線。至於拍咗未播嘅TVB劇仲有《飛虎3壯志英雄》、《拳王》及《廉政狙擊》。

TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

不過入行多年,蔡潔最為人記得嘅可能係同王宗堯拍過拖。2016年7月蔡潔同王宗堯撻著,仲帶女友去周家怡生日飯局,點知半年後蔡潔向傳媒表示,因為工作關係少見面,決定同王宗堯分手。點知半年後,王宗堯上杜汶澤嘅節目做嘉賓,自爆原來蔡潔有段時間忽然玩失蹤,王要睇新聞先知被分手。阿澤喺節目度亦都爆料,話試過搵蔡潔拍戲,蔡仲表現得好欣賞阿澤,點知開鏡前4日,蔡潔以「驚影響內地市場」為由辭演,暗示係同阿澤嘅政見有關。至於同王宗堯又係咪呢個原因?怕且要問蔡潔先知嘞。

TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能