Twins疑接炎明熹棒成為快餐店新代言人 網民反應兩極 粉絲：無Gigi唔會去

炎明熹（Gigi）2020年參加TVB《聲夢傳奇》，以三料冠軍頭銜強勢入行，入行後已經瞬間走紅，除咗推出多首歌曲之外，更成為廣告商及各大製作單位嘅寵兒，喺香港及內地都擁有大量粉絲，被封為「新一代樂壇小天后」。早前Gigi成為連鎖快餐店嘅代言人，廣告歌《好想約你》唱到街知巷聞，深入民心。不過喺今日（27日）餐廳喺社交網站突然上載疑似新代言人嘅海報，將Gigi換上Twins。

炎明熹早前成為大家樂代言人，不過去到今日餐廳喺社交網站上載疑似新代言人嘅海報，並留言話將會首次同Twins 蔡卓妍及鍾欣潼合作，更透露即將會有新火花新搞作。

疑似換上新代言人後，隨即引起網民熱烈討論，有網民及Gigi粉絲留言表示不滿，例如「我想要炎明熹」、「喜歡炎明熹，好想約你已入心！希望再會找炎明熹代言人！會幫襯多啲」、「還我Gigi」、「點解要換人，唔去lu」、「支持Gigi,無Gigi唔會去」及「想炎明熹繼續做代言人」等等。同時亦有網民表示歡迎，留言「哇，久違的兩人新代言！！」、「有得望住你哋食飯都開心D」、「好好掛住你哋！」、「之前一直唔開胃，轉咗你地好好多」、「換咗人，順眼曬！」及「支持Twins」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！