ViuTV《調教你MIRROR》首播 TVB一連重播三套青春劇 以年輕謝霆鋒硬撼姜濤?

·3 分鐘文章
ViuTV《調教你MIRROR》首播 TVB一連重播三套青春劇 以年輕謝霆鋒硬撼姜濤?
ViuTV《調教你MIRROR》首播 TVB一連重播三套青春劇 以年輕謝霆鋒硬撼姜濤?

ViuTV新節目《調教你MIRROR》將於今晚(7日)首播,「調教營」將會展露MIRROR 12子真面目同埋當中相處過程,教「鏡粉」們期待。另一邊廂,TVB亦宣佈由9/6起將於深宵時段重播一連三套青春劇集:《撻出愛火花》、《當四葉草碰上劍尖時》及《阿Sir早晨》。三套劇集主角卡士強勁,亦係好多人「電視撈飯」年代嘅集體回憶,未知係咪用嚟對撼ViuTV《調教你MIRROR》以及接下來播出嘅改編BL日劇《大叔的愛》?

率先播出嘅係2000年首播、由謝霆鋒、張新悅擔任男、女主角嘅《撻出愛火花》,劇集以柔道作主題,涉及柔道比賽與感情線元素,謝霆鋒當年僅18歲,仲係至今唯一一套主演嘅TVB劇集,而呢套劇亦係張新悅喺TVB擔正做女一嘅唯一一次。

《撻出愛火花》後,24/6播出嘅係《當四葉草碰上劍尖時》,講述一班私立高校新生玩劍擊花劍過程與互生情愫嘅愛情故事,為《四葉草》系列中嘅第一輯,由黎諾懿、唐詩詠、姚子羚、黃婉伶、傅嘉莉等演出,每集亦搵嚟容祖兒、謝霆鋒、陳奕迅、方力申等藝人客串,當年極受年輕人歡迎,就連劇集歌都朗朗上口。

最後就由黎明最後一部喺TVB主演嘅校園青春喜劇《阿Sir早晨》接力,由5/7起重播,劇集喺1994年拍攝及首播,當年只得27歲嘅黎明亦為劇集唱主題曲《陽光》同埋插曲《情緣》,除咗同古天樂合作外,亦有羅家英、雷宇揚、黃霑、羅文等藝人參與演出,卡士強大。

雖然有網民指TVB呢個播出策略係對撼ViuTV,不過睇返播出時段,TVB三套劇集喺晚上11時50分播出,而ViuTV《調教你MIRROR》則喺晚上11時播出,僅半小時一集,播出時間似乎未有重疊;亦有指TVB一連三套青春劇集嘅安排係為嚟緊7月東京奧運造勢,《撻出愛火花》及《當四葉草碰上劍尖時》都係圍繞運動,而《阿Sir早晨》播出月份正正就係撞正黎明紅館演唱會嘅日子,緊貼話題亦可互收宣傳。

《撻出愛火花》
《撻出愛火花》
《當四葉草碰上劍尖時》
《當四葉草碰上劍尖時》
《阿Sir早晨》
《阿Sir早晨》
姜濤
姜濤
姜濤
姜濤
姜濤
姜濤
姜濤
姜濤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!