ViuTV節目巡禮2023｜Anson Lo呂爵安再合作拍港版《社內相親》 Day拍住Candy主持旅遊節目

ViuTV昨日（27日）舉行「ViuTV年中無休2023節目發布會」，預告今年即將推出嘅劇集和綜藝節目，當中多個MIRROR及COLLAR成員都有份參與，一班鏡粉與前夫又係時候準備捧場支持。

ViuTV率先公布今年將有5套新劇，當中買咗韓國人氣劇集《社內相親》版權，將會改編劇集，由盧瀚霆（Anson Lo）和呂爵安（Edan）、陳漢娜及沈殷怡主演，不過就暫未有劇情預告分享，Edan就喺另一電影開鏡活動上被問及詳情，表示根據原著可能有親熱戲，但而家仲未收到劇本同圍讀。另外仲有新劇《Food Buddies》，由談善言、衛詩雅、蘇皓兒、吳肇軒和唐浩然演出，將講述3個單元故事，3組男女因交友App發展出的錯綜複雜嘅愛情故事；《飛黄騰達》就由早前被讚演技好嘅蘇雅琳主演，並有黄浚銘、吳啟洋（Phoebus）、歐鎮灝（George）、陳安立、黎展峯等，講述眾人為錢爭鬥，喺投資大賽中備受情義和底線考驗；《法與情》則以法律為題材，講述上流社會御用大狀賭上律師生涯爭取公義嘅故事，女主角包括謝安琪、陳靜、賈曉晨及芯駖。另外，亦會播出早前煞科嘅《冰上火花》，劇集為電視史上首部以冰球為題材嘅作品，演員包括江𤒹生（Anson Kong）、陳卓賢（Ian）、林愷鈴、沈貞巧（Gao）、朱鑑然、黃溢濠、林家熙和黃奕晨。

至於綜藝方面，ViuTV宣布成為國際綜藝節目《Hong Kong’s Got Talent香港達人秀》官方指定電視台，另有《One Day約會實況》、《返學啦老豆》、《癮營人》、《我想身體健康》等綜藝及《韓國留學Day Day晴》、《撞名撞城遊一番》、《入島日本喇！》旅遊節目。其中，《韓國留學Day Day晴》由COLLAR成員Day和Candy主持，將到韓國體驗短期留學生活；《撞名撞城遊一番》由樊沛珈和鍾卓穎喺節目中尋找日本與香港「撞名」嘅地方由來和人情故事；《入島日本喇！》則由沈殷怡、王頌茵和和泉素行進行一趟小島限定日本行程。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！