VIVA未出道音樂節廣告勁多job密密接 孖軒仔 MC Lolly talk過大海做show
Twins師妹團「VIVA」相隔23年出道,女團由姜咏鑫(Ada)、李晞彤(Carina)、馬思惠(Macy)及張鈊貽(ValC)組成,平均年齡22歲。昨日(21日)VIVA的官方社交平台正式釋出首張團體照,並預告將於本月尾27號正式派歌。
雖然未正式出道,但VIVA已受邀為兩個大型音樂節擔任表演嘉賓,除此之外,其廣告及代言工作更涉獵多個範疇,包括商演及十多樣工作也會陸續推出,音樂及廣告工作接踵而來,未出道已深受廣大客戶垂青,認真厲害。
而剛宣佈VIVA將會參與於澳門舉行的水上音樂節,其他演出單位包括張敬軒、MC張天賦、Dear Jane、Lolly Talk等等,陣容鼎盛,對於即將參與大型演出,VIVA笑言「感覺奇妙」,「首先我哋四個期待出道已經有兩年,中間亦都去咗韓國受訓,到而家可以將大家努力出嚟嘅成果呈現喺觀眾眼前,有種DSE放榜嘅感覺;其次心情一定又興奮又緊張,雖然我哋幾個都曾經參加過選秀節目,有過舞台經驗,但始終現場演繹我哋首支派台歌曲俾大家聽同睇,一定會緊張。而家我哋每日都有練歌、排舞,希望到時以最佳狀態示人。」VIVA亦表示:「希望嚟緊會有更多工作,多啲嚟密啲手,我哋唔怕辛苦,哈哈。」