Winka高燒38.5度照開咪 森美小儀驚青急戴罩

女團COLLAR成員陳泳伽（Winka）近期單飛出歌，宣傳期間自爆已同拍拖6年嘅圈外男友分手，點知就被網民鬧爆佢消費前度，點知近日佢又再惹是非，原來佢喺4月11日Winka去電台接受森美、小儀及梁嘉琪訪問時，以冷帽、厚外套上陣，當佢行入錄音室時，就聲沙沙同主持人表示自己正發高燒至38.5度，唔知情嘅三人事即刻表現愕然，小儀同嘉琪仲立即大叫「口罩！口罩」森美則表示︰「陰功，辛苦你啦，都要你上嚟！你唔介意，我哋戴番口罩就得喇！」

網民就發現，其實Winka喺前一晚（10日）就曾上載溫度計，當時就顯示係38.5度，即係佢正發燒，稍後又上載貼上退熱貼嘅自拍，一臉病容。事後網民湧入節目嘅社交平台留言，斥Winka不負責任、無公德心，質疑佢發燒都「出街播毒」等，令Winka再次惹是非。