YouTuber「床哥」任中學實習社工遭辭退 港專：相信他具社工專業能力｜Yahoo

港專：支持社工用新的方式貢獻專業

港專校長陳卓僖與社會科學院院長兼系主任崔日雄今會見傳媒交代事件。陳指，經其初步理解，事件涉及雙方的理解問題，實習配對基於同學與機構的互相信任和接納，「無話邊個唔要邊個，勉強無幸福」，惟未有回應該校聯署老師人數和實際原因。

他指由於事態發展急速，學校仍與實習機構了解細節。在了解機構意願後，港專認為，為陳鈺麟另覓實習機構屬符合其最大利益，「喺發生呢件事之後，相信新嘅實習機構都有充足嘅心理準備」。

陳卓僖續指，以他理解陳鈺麟素來攻讀社工的志向非常強，「佢點解要做社工，正正因為喺網絡接觸到好多呢啲（青少年）個案，佢覺得需要進一步增長自己嘅知識同專業能力，去幫助呢啲個案走出新嘅路」。陳強調，港專支持社工用新的方式貢獻專業，惟個人言行和品德亦很重要，「如果有啲言行令人覺得有問題，咁同學係要留意」。

實習機構開明「但唔同人有唔同睇法」

陳卓僖指，涉事實習機構素來支持培育社工人才，負責人亦相當開明，「但同一機構入面，唔同人都可以有唔同睇法」。事件並無影響港專與該機構合作，更收到不少其他學校主動聯絡，指「我可以接佢（陳鈺麟）喎」，未來仍會持續與該機構合作。

崔日雄則指，以往配對實習機構時，會提供學生基本個人資料。被問到是次事件是否反映港專與機構溝通出現疏忽，崔指當初該機構只知道陳鈺麟全名及其他資料，「我諗未必好全面。去到實習之後就發覺好多學生都識佢，識佢係另一個身份，見到面先知係佢，但就係佢自己網上面嗰個名，所以問題係喺嗰時開始出現，但唔係我哋中間溝通上有啲咩問題」。

以往實習「零負評」

崔續指，陳鈺麟早前已完成另一個青少年服務實習，過程順利亦沒有負評。他強調，陳已在港專就讀4年，一直相信他備受社工專業能力，「以佢一路嘅表現，我完全相信佢」。他稱雖不太了解其網上言行，「但以我哋理解，佢其實一直都係想發放正能量，所以唔覺得有咩會影響到社工嘅形象」。

床哥昨晚（18 日）在其個人 Instagram 發布影片，指自己在一間中學擔任實習駐校社工第二日之後，就收到就讀院校來電，指實習中學的老師「聯署」要求他離開崗位，但未有原因，院校指將要另行安排崗位給他。床哥表示，他在學校一直本著實習社工的身份做事，不是一名 YouTuber，「我到底做咗咩壞事，要成班老師聯署？」，對於老師的行為感到「好嬲、好無奈」，「今日係我人生咁多年以來，遇過最唔公道事情的一日。」