考有Feel︳姜濤為咗贏 明昅節目女助手胸部俾提示 同ERROR阿Dee大打出手

ViuTV綜藝節目《考有Feel》由MIRROR同 ERROR2隊鎮台之寶，派出不同隊員參與遊戲環節決鬥一番。成班「真．後生仔」玩得投入，剝鞋出貓不特止，就連「天然呆」嘅姜濤都玩到人格崩壞！

尋晚播出嘅一集，MIRROR派出姜濤、江𤒹生（Anson Kong）及邱士縉（Stanley）參與，其中一個遊戲「究竟聽咗乜」玩法類似「大電視」，但係2隊人馬只能夠模仿答案詞語嘅聲音。當姜濤要表達「食奶咀」嘅時候，佢做咗啜嘅咀型都未能令隊友估到。後來大家叫姜濤「扮用家」，點知姜B靈機一觸「斜睥」身後女主持助理「考靚」Polly(劉若寶）個胸，全場即時明白爆笑，而Stanley亦都成功估中答案。

由於呢一下太有創意，所有人都笑到停唔到，連小儀都難以置信姜B咁「不擇手段」，仲話見證住姜B成魔嘅一面。而姜濤之後就好尷尬咁掩面狂笑。

有睇《考有Feel》都知姜濤玩呢個節目嘅遊戲超有鬥心，之前已經試過為咗同ERROR嘅肥仔爭奪地上嘅玩具大笨象而「大打出手」。今集姜濤喺同一個遊戲佢又再出招，同ERROR嘅阿Dee玩到似打MMA多過要執起玩具大笨象，又無端端用口咬住啲大笨象，完全無晒偶像包袱！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！