【電影LOL】大導David Fincher 夥拍《七宗罪》編劇 幫Netflix拍暗黑新片The Killer

Netflix喺今屆金球獎成為大贏家，劇集《王冠》(The Crown)同《后翼棄兵》(The Queen’s Gambit)獲得唔少獎項，同係Netflix出品嘅電影《曼克》獲得最佳電影、最佳導演及最佳劇本等6項提名，雖然最後失落金球獎，不過無礙導演David Fincher同Netflix嘅合作，即將開拍改編自漫畫The Killer嘅同名電影。

由法國作家Alexis Nolent、畫師Luc Jacamon創作嘅漫畫The Killer，講述冷血殺手喺無火無天、零道德制約嘅世界，飽受精神問題困擾，題材黑暗同充滿血腥暴力。David Fincher夥拍編劇Andrew Kevin Walker再次合作，新作為2人繼《七宗罪》相隔25年後再度合作，令人期待。

傳聞導演想拍The Killer好耐，原本由Paramount Pictures出品，可惜遲遲未能落實，直至導演同Netflix簽咗4年約，成個project轉會先開得成！

雖然電影無得喺大銀幕欣賞，不過導演應該好滿意同Netflix嘅合作，《曼克》雖然攞唔到金球獎，不過睇得出Netflix好落力做宣傳，加上自由度高，所以決定開拍擅長嘅黑色懸疑類型。

The Killer原本屬意曾多次合作嘅Brad Pitt主演，不過可能計劃拖太耐，所以改由「磁力王」米高法斯賓達主演，暫時Netflix未有回應選角消息，不過米高拍過唔同片種，商業大片《變種特攻》、《普羅米修斯》，又拍過《刺客教條》、《色辱》、《雪中罪》等比較暗黑題材電影，本身有啲邪氣嘅佢都幾適合做心靈受創嘅冷血殺手！

可以預期David Fincher同Netflix電影方面唔止得《曼克》及The Killer嘅合作，可惜導演同Netflix合作非常精彩嘅懸疑劇《心理追兇》因為觀看數太少，拍得2季就被叫停，令好多fans失望，唯有睇The Killer補數！

更多電影文章

【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

【電影LOL．金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

【電影LOL】派拉蒙加入串流大戰 《職業特工隊7》上畫後個半月有得睇

【電影LOL】今個星期睇咩戲 《唐人街探案3》《60分鐘招魂直播》《緊急救援》《蠟筆小新劇場版》

【電影LOL】BTS新紀錄片 BTS: Global Takeover展現天團上位之路 ARMY必睇！

【電影LOL】台灣韓國公司互相買《想見你》《梨泰院class》版權 許光漢朴叙俊互換角色得唔得？

【電影LOL】內地賀歲檔大收 《唐人街探案3》破《復仇者聯盟4》紀錄

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！