【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

·3 分鐘文章

講咗好耐嘅抗疫電影終於有預告片見街!因為新冠疫情令電影業大傷元氣,所以演藝人協會會長古天樂發起為業界基層員工籌款活動,聯同包括中國星、安樂電影、英皇寰亞、美亞等10多間電影公司及行業協會共同拍攝抗疫電影《總是有愛在隔離》。演藝界大善長古天樂發起,得到大批演員支持參與演出,個演員陣容夠拍幾套賀歲片!

《總》由谷德昭導演,雖然目的係抗疫兼籌款,不過睇預告片,電影一啲都唔官腔,唔似另一套抗疫電影《在一起》咁要啲星素顏上陣,用好嚴肅又慘情嘅tone講疫情。《總》有齊香港喜劇元素,疫情下生活已經夠苦,入場睇戲梗係想睇返啲開心、正能量嘅戲笑吓啦!

集合咁多影星拍攝,如無意外《總》會有幾條主線,故事講述一個風平浪靜的下午,格尼酒店突然被懷疑可能是新冠肺炎的病毒源頭,隨即被防疫中心勒令要全面封鎖,所有逗留在酒店內的客人必需接受14天強制隔離檢疫。眾人在酒店內隔離,但亦因此而令人與人之間的關係在不知不覺間拉近。大家共同渡過艱難時刻,更學會珍惜可能是最後的相處時光。

其中包括飾演情侶嘅陸永及蘇麗珊就嚟結婚,點知去咗間有確診住客嘅酒店,結果雙雙被隔離14天,被隔離期間發生多件趣事,最後喺一眾懷疑確診者嘅見證下,行禮結婚!行禮大團圓咁高興,相信將會集合所有影星包括古天樂,曾志偉,張智霖,許冠文,張繼聰,錢嘉樂,陳家樂,袁富華,張國強,方力申,河國榮,菊梓喬,梁家輝,吳鎮宇,林家棟,周秀娜,成龍,劉心悠,薛凱琪,鄧月平,羅蘭,張達明,李璨琛,韓馬利,鄭則仕,姜皓文,王凱韋,彭敬慈,元秋,蔡潔,盧惠光,林德信,車婉婉,張文慈等人同場!

疫情之下,要聚咁多人一齊拍攝都唔容易!其中一幕,劇組就特別整咗個半月型隔離箱,不過為咗收音要停哂風扇冷氣,喺空氣唔流通嘅環境拍攝,連體能唔錯嘅方力申都呻差啲唞唔到氣!空氣唔流通又增加病毒傳播風險,隨時成為另一個病毒群組,拍喜劇從未試過咁高風險!我反而想知張繼聰同張智霖條故事線發生咩事,搞到要半裸相擁!

至於《總》籌款細節有待公布,如果一張飛可以睇笑片又可以幫到業界員工,何樂而不為?電影暫定4月上映。

更多電影文章

【電影LOL.金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

【電影LOL】派拉蒙加入串流大戰 《職業特工隊7》上畫後個半月有得睇

【電影LOL】今個星期睇咩戲 《唐人街探案3》《60分鐘招魂直播》《緊急救援》《蠟筆小新劇場版》

【電影LOL】BTS新紀錄片 BTS: Global Takeover展現天團上位之路 ARMY必睇!

【電影LOL】台灣韓國公司互相買《想見你》《梨泰院class》版權 許光漢朴叙俊互換角色得唔得?

【電影LOL】內地賀歲檔大收 《唐人街探案3》破《復仇者聯盟4》紀錄

【電影LOL】戲院重開 各大院線優惠一覽

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!