雅虎香港新聞 【電影LOL】台灣韓國公司互相買《想見你》《梨泰院class》版權 許光漢朴叙俊互換角色得唔得？
串流平台成風，劇集電影拍幾多都唔夠，人氣故事以後有多國版本似乎係大勢所趨。較早前掀起追劇熱潮嘅台劇《想見你》及韓劇《梨泰院class》分別被買下版權翻拍！
台劇《想見你》因為主角嘅強烈思念，由2019年穿越到1998年，講愛情之餘亦相當用腦，男女主角穿插多條時間線，加入大量懸疑扭橋，環環緊扣。播映時引發大量討論兼解說懶人包，女主角柯佳嬿憑戲二度成為金鐘視后，而男主角許光漢憑一人分飾2角，贏盡人氣，成為新一代男神！
《想》仲攞埋金鐘獎戲劇節目獎、戲劇節目編劇獎以及節目創新獎，呢個原創劇本仲吸引到韓國公司注意！韓國年中推出唔少熱爆劇集，本身影視工業做得相當出色，不過好故事不妨一拍再拍，剛剛韓國製作公司NPIO娛樂同Lian Contents已獲得翻拍權，宣佈正式翻拍韓版《想見你》！
另一邊廂由朴叙俊、金多美主演、講述為父復仇嘅韓劇《梨泰院Class》就即將開拍台灣版。負責台版嘅製作團隊「大慕影藝」曾經泡製出《我們與惡的距離》、《做工的人》等充滿社會批判話題作品，台版將由金鐘獎最佳導演高炳權執導，《逃出立法院》編劇楊宛儒負責劇本改編，陣容頂級！
《梨泰院Class》故事建基於韓國大財閥文化，劇本照搬到台灣未必講得通，所以楊宛儒表示將會為劇本加入台灣文化，以台式風格講述男主角嘅創業之路。
韓國出品人Kakao Page公司就表示希望由喺韓國有一定知名度嘅台灣一線男星飾演男主角。暫時台版主角未定，不過如果由許光漢主演台版《梨泰院Class》、朴叙俊主演韓版《想見你》，大家又點睇呢？
更多電影文章
【電影LOL】內地賀歲檔大收 《唐人街探案3》破《復仇者聯盟4》紀錄
【電影LOL】周杰倫《不能說的秘密》拍韓國版 EXO D.O演男主角
【電影LOL】Amazon拍《史密夫決戰史密妻》劇集版 唔搵型男索女做主角？！
【電影LOL】反修例紀錄片《Do Not Split不割席》入圍奧斯卡紀錄短片十強
【電影LOL】冇賀歲片 上Netflix睇台片 《孤味》戲味濃 《同學麥娜絲》麻甩佬的無奈
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
