【電影LOL】周杰倫《不能說的秘密》拍韓國版 EXO D.O演男主角

近年越來越多翻拍電影，無他嘅！有成品在手，投資者計數都易啲嘛。最新一套重拍作品，係14年前周杰倫首次執導嘅電影《不能說的秘密》。

向來都會主理自己歌曲MV嘅周董，2007年首次執導電影長片，劇本由《殺人犯》編劇杜緻朗執筆。杜嘅作品向來有「扭橋」安排，《不能說的秘密》亦唔例外，難得周杰倫第一次做導演就掌握到故事跳躍嘅敘事風格，口碑同票房都有唔錯成績。（個人認為《不》甚至比後來周董執導嘅歌舞片《天台》更出色！）

《不能說的秘密》原來喺韓國幾受歡迎，2007年緊接台灣上映之後，2015年片商再應觀眾要求二度放映，2次加埋票房共收3200萬台幣，於是2017年第3度喺當地上畫。同年韓國片商宣布買下《不》版權，即將重拍由韓國班底主理嘅版本，當時傳過由朴寶劍演周杰倫嘅角色。不過後來成個project冇晒聲氣，直至今個星期韓國大型藝人公司SM Entertainment宣布，旗下天團EXO成員D.O.(都敬秀）將會參演韓版《不能說的秘密》擔任男主角，至於原版桂綸鎂一角就仍未有消息邊個做。電影預計下半年開工拍攝。

睇返《不能說的秘密》就發覺套戲本身甚有韓片味道，催淚浪漫兼而有之，搵靚仔靚女韓星拍就fit晒！到底能唔能夠超越原著呢？另外，周杰倫提過會拍《不能說的秘密2》，仲話會搵劉德華參演，又會唔會發生呢？

更多電影文章

【電影LOL】Amazon拍《史密夫決戰史密妻》劇集版 唔搵型男索女做主角？！

【電影LOL】反修例紀錄片《Do Not Split不割席》入圍奧斯卡紀錄短片十強

【電影LOL】冇賀歲片 上Netflix睇台片 《孤味》戲味濃 《同學麥娜絲》麻甩佬的無奈

【電影LOL】Super Bowl黃金時段 電影宣傳縮水 新片Old 30秒廣告最搶眼

【電影LOL】大半生都在演戲 細數基斯杜化龐馬佳作 晚年演基爸奪奧斯卡

【電影LOL】BL劇大熱 推介台劇《WBL》系列 腐女睇到心心眼

【電影LOL】金球獎提名公布 Netflix出品22項提名力壓傳統片商 《天能》得一項提名！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！