【電影LOL】大半生都在演戲 細數基斯杜化龐馬佳作 晚年演基爸奪奧斯卡

·2 分鐘文章

加拿大國寶級演員基斯杜化龐馬(Christopher Plummer)於美國時間2月5日於家中離世,享年91歲。龐馬於1950年代展開其演員生涯,出身富裕家庭嘅佢對演藝事業認真,入行超過60年作品不斷,參演電影及劇集超過200部,龐馬無因為年紀而慢落嚟,演出依然有心有力!

龐馬長達60多年演藝生涯中,代表作非常多,其中最經典一定係1965年嘅《仙樂飄飄處處聞》,飾演單親爸爸Captain Trapp。英偉嘅外型配以浪漫愛情與親情,角色由嚴父變慈父,多年後仍廣受影迷愛戴。憑《仙》紅遍全球嘅龐馬片約不斷,1966年憑電影Hamlet at Elsinore獲提名艾美獎最佳男主角。雖然作品眾多,不過要到2001年憑電視電影American Tragedy先首次獲得金球獎最佳男主角提名!

2010年憑電影The Last Station獲得金球獎及奧斯卡金像獎最佳男配角提名。2012年憑電影《基爸愛留情》飾演老伴過世後先敢出櫃嘅老人家,獲得金球獎及奧斯卡最佳男配角殊榮,當年已82歲嘅龐馬成為奧斯卡史上最年長嘅得獎者,佢上台領獎致辭都講笑話奧斯卡頒獎禮只比自己年長2歲,成世人個獎去咗邊!

2018年88歲高齡以《萬惡金錢》再次獲金球獎及奧斯卡最佳男配角提名,雖然同獎項擦身而過,不過無損龐馬對演戲嘅熱情,繼續拍戲。2019年分別參演《無名勳章》及有多位紅星、包括「美國隊長」Chris Evans、「007」Daniel Craig、「新任邦女郎」Ana de Armas等人主演嘅懸疑片《神探白朗:福比利大宅謀殺案》,龐馬於戲中飾演貫穿戲軌嘅關鍵人物,角色舉足輕重!

龐馬演藝生涯中拍過多套膾炙人口嘅電影及劇集,近年佳作包括《有你終身美麗》、《龍紋身的女孩》、《一個人的戰場》及《巨星的回信》等,遺作為預計係為今年上映嘅《金色面具》配音,真正永不言休,令人敬佩!

更多電影文章

【電影LOL】BL劇大熱 推介台劇《WBL》系列 腐女睇到心心眼

【電影LOL】金球獎提名公布 Netflix出品22項提名力壓傳統片商 《天能》得一項提名!

【電影LOL】VCD年代熱賣驚慄之作《心慌方》 日本翻拍新版10月上映

【電影LOL】GME股民鬥大鱷未完 美高梅扑鎚買故事版權開拍電影

【電影LOL】宋仲基科幻大片《勝利號》攻佔Netflix賀歲檔 孔劉朴寶劍科幻新片不日上映

【電影LOL】重組藍可兒懸案 Netflix紀錄片過年前夕推出 驚過睇鬼片!

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!