【電影LOL】GME股民鬥大鱷未完 美高梅扑鎚買故事版權開拍電影

·3 分鐘文章

美國近日掀起散戶激鬥華爾街大鱷大戰,事源華爾街多間機構以沽空電子遊戲零售商GameStop(GME)賺錢,專做沽空報告嘅Ciltron Research仲要出文話買GME嘅都係輸家,激嬲大堆網民。

經常喺美版高登Reddit討論區WallStreetBets副版(WSB)發文嘅KOL Roaring Kitty都留意到金融機構發不義之財,數月前開始發起入手GameStop股行動,結果成功推高股價,由一年低位3蚊美金唔夠上到史上新高483蚊,成功令打算沽空賺錢嘅大行蝕到入肉!

一班散戶真金白銀入市買業績一般嘅GME,以舊有投資角度嚟睇行動絕非理智,不過一班美國巴打出發點不只為求財,仲志在挑戰金融大鱷,皆因2008年金融風暴由一眾金融投行引起,全世界因此受罪但係一眾投行同高層唔駛負責任之餘,仲因為買「沽空」賺到盤滿砵滿!

時至今日,巴打們唔想再忍決定以行動反撃,証明積小成多、散戶團結起嚟都可以鬥大鱷!除咗 GME,WSB 800萬巴打們仲合力推高AMC院線、Blackberry及Nokia股價,金融大行蝕得好甘,多間美股交易公司一度限制買賣,進一步激嬲散戶。而有份激嬲股民嘅Ciltron Research就宣佈唔再出沽空報告。

呢場股壇大戰仲未打完,不過估都估到電影公司已經等唔切,決定將事件搬上大銀幕。外媒Deadline報導美高梅(MGM)上周超快手買下大衛芬查電影《社交網絡》原作者Ben Mezrich新書The Antisocial Network改編權!本書其實未寫,Ben Mezrich只係賣concept,不過MGM有理無理買咗先算,仲搵埋《社交網絡》監制Michael DeLuca幫手搞電影版。

另一邊廂亦有傳Netflix對呢場金融戰好有興趣,雖然官方拒絕回應,但知情人士透露Netflix有意故事以群眾用社交媒體改變體制嘅方向發展,據聞已經搵咗《拆彈雄心》、《追擊拉登行動》編劇Mark Boal撰寫電影劇本,並由新一代型男Noah Centineo主演。

散戶挑戰大行夠哂戲劇性,事件源自網上討論區,改編都幾高難度,因為虛構成份太多會失實,但將討論區幾十萬推文匯聚成電影又未必夠劇力萬鈞,你估最終MGM定Netflix版好睇啲?

更多電影文章

【電影LOL】宋仲基科幻大片《勝利號》攻佔Netflix賀歲檔 孔劉朴寶劍科幻新片不日上映

【電影LOL】重組藍可兒懸案 Netflix紀錄片過年前夕推出 驚過睇鬼片!

【電影LOL】Kristen Stewart新片演戴安娜王妃 劇照流出造型超似!

【電影LOL】開業年幾 UA放售K11 Art House 經營權 MCL 5600萬逆市發圍

【電影LOL】《哈利波特》重啟?盛傳籌拍劇集版及20周年電影

【電影LOL】網民惡搞Pepe蛙變壞蛋 紀錄片Feels Good Man剖析「改邪歸正」之路

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!