【電影LOL】Kristen Stewart新片演戴安娜王妃 劇照流出造型超似!

·2 分鐘文章

由《第一夫人:積琪蓮甘迺迪》智利導演Pablo Larrain執導,講述戴安娜王妃事蹟嘅電影Spencer日前開機,早前確定由憑《吸血新世紀》走紅嘅Kristen Stewart飾演戴安娜消息一出,觀眾反應參半。負評主要針對Kristen形象同戴妃高貴氣質不符,又或者繼續對Kristen印象停留喺《吸》時得17歲嘅佢,話佢無演技云云!

不經不覺已經30歲嘅Kristen Stewart,走紅以嚟作品不斷,而且類型多樣化,由動作喜劇《神探俏嬌娃》、科幻驚慄《深海異獸》到文藝片《坐看雲起時》,連溫馨家庭喜劇《攣愛季節》都有,戲路甚廣,加上近年出櫃勇敢做自己,少咗包袱連演技都好咗!

講咗咁耐,Spencer劇組終於出咗首張劇照,Kristen Stewart以紅外套、黑色禮帽頭紗嘅造型,加上戴妃招牌側頭靦碘神情,神還原戴妃!電影Spencer講述1990年代初一個長週末,戴妃決定同查理斯王子離婚後嘅心路歷程!

導演Larrain睇準Kristen同戴安娜有共通點,兩人同樣受狗仔隊困擾,私生活一舉一動皆被無限放大成為娛樂頭條,確信Kristen可以好好詮釋到戴妃生前所受嘅壓力,以及希望擺脫枷鎖嘅掙扎!導演開拍前期對Kristen Stewart更加係讚不絕口,話Kristen詮釋劇本及人物心理嘅過程非常動人咁話!

女主角Kristen本人就認為戴妃口音最難模仿,早早搵定口音導師教佢講得一口英國口音之餘,仲要學識戴妃說話聲調、抑揚頓挫等,難度都幾高!以往都有唔少演員因為神還原名人傳記片而獲得奧斯卡影帝、影后殊榮,Kristen Stewart能否憑戴安娜一角正式撇甩偶像除,正式擠身演技派,電影上映時自有分曉!

更多電影文章

【電影LOL】開業年幾 UA放售K11 Art House 經營權 MCL 5600萬逆市發圍

【電影LOL】《哈利波特》重啟?盛傳籌拍劇集版及20周年電影

【電影LOL】網民惡搞Pepe蛙變壞蛋 紀錄片Feels Good Man剖析「改邪歸正」之路

【電影LOL】拜登上台贈興?總統、第一夫人傳記片輪住拍 Dennis Quaid演列根

【電影LOL】牛年賀歲港產片 《狂舞派3》《不日成婚》《唐伯虎之偷天換日》有冇機會上畫?

【電影LOL】等睇《天竺鼠車車》?不如睇《屁屁偵探》劇場版頂吓癮

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!