【電影LOL】BL劇大熱 推介台劇《WBL》系列 腐女睇到心心眼

·2 分鐘文章

自日劇《大叔的愛》大受歡迎後,BL劇簡直遍地開花,仲要好多都極高質素。由泰國《天生一對》到近期日劇《30歲處男魔法師》套套sweet,睇到心花怒放心心眼!香港暫未有原創BL劇,不過搵當紅Mirror成員Edan、Anson Lo同黃德斌翻拍《大叔的愛》都有一定吸引力!

BL劇大熱,點可以唔睇台灣出品?依家熱播中就有改編自羽宸寰的同名小說WBL(We Best Love)系列劇集,系列總共有2季,1月出街嘅第1季《永遠的第一名》,由林子閎及「混血花美男」楊宇騰主演,劇中人物設定分別為腐女們熟悉嘅「溫柔腹黑」及「傲嬌可愛」,與由《盛夏光年》張睿家飾演嘅校醫裴守一上演校園三角戀!

《永》講述周書逸(楊宇騰 飾)自從小學五年級認識高仕德(林子閎 飾)後, 佢成績由「永遠第一」變成「萬年老二」,以為上大學就唔駛再見,點知滿心歡喜參加大學游泳社,都係要同高仕德比賽爭第1!一心打算喺心儀女生面前攞獎威返次,結果抽筋差點浸親要高仕德救!周認定高仕德剋住佢,但偏偏高仕德無處不在仲話會一直留意自己!

講到呢度應該估到故事發展,戲內吻戲不斷,戲外幾位主角宣傳期間亦非常落力,粉線見面會時即時嘴嘴派福利!因為兩位主角互動甜蜜,甜到IG開live宣傳時台灣網民興奮起哄叫佢咃結婚!最正係3月就可以睇第2季《第二名的逆襲》,直接跳到5年後,講述兩人成為打工仔後嘅感情發展,仲會講埋張睿家師生戀嗰條線嘅後續發展。

《永》集結青春、8位型男上演暗戀、明戀師生戀,加上位位主角有樣有身材,套劇唔止台灣受歡迎,去到日本樂天TV、韓國WeTV一樣成為榜首熱播劇集。熱衷BL劇嘅一定要睇《永遠的第一名》,甜到爆呀!

更多電影文章

【電影LOL】金球獎提名公布 Netflix出品22項提名力壓傳統片商 《天能》得一項提名!

【電影LOL】VCD年代熱賣驚慄之作《心慌方》 日本翻拍新版10月上映

【電影LOL】GME股民鬥大鱷未完 美高梅扑鎚買故事版權開拍電影

【電影LOL】宋仲基科幻大片《勝利號》攻佔Netflix賀歲檔 孔劉朴寶劍科幻新片不日上映

【電影LOL】重組藍可兒懸案 Netflix紀錄片過年前夕推出 驚過睇鬼片!

【電影LOL】Kristen Stewart新片演戴安娜王妃 劇照流出造型超似!

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!