【電影LOL】冇賀歲片 上Netflix睇台片 《孤味》戲味濃 《同學麥娜絲》麻甩佬的無奈

·4 分鐘文章

今年鐵定無賀歲片,因為戲院最快都要初七先開得返。既然團拜又唔得、出行食晚飯又隨時食食下封區,咁唯有留喺屋企睇片賀歲。Netflix一口氣上幾部優質台片,雖然唔係眾星拱照、柴娃娃熱鬧喜劇,不過講家庭、兄弟友情,一樣好適合農曆年睇。

首推台灣狂收1.81億台幣、2020年票房之王嘅《孤味》,由徐若瑄、2位金馬影后謝盈萱及陳淑芳主演。故事講述林秀英(陳淑芳 飾)是台南赫赫有名的餐廳老闆,在丈夫(龍劭華 飾)無聲無息地離家後,靠著賣蝦捲,獨自撫養三個女兒長大成人,不僅把蝦捲從路邊攤賣到開餐廳,三個女兒更是成就非凡︰大女兒阿青(謝盈萱 飾)是國際舞者,二女兒阿瑜(徐若瑄 飾)在台北當整形醫生,小女兒佳佳(孫可芳 飾)則接手自己的餐廳事業。

眼看就要苦盡甘來,秀英卻在70大壽當天接到丈夫離世的噩耗。在替這位有名無實的丈夫籌辦喪禮的同時,意外迎來了另一位陪伴丈夫度過晚年的女人,令她不得不再次面對女兒與內心埋藏已久的怨懟。

《孤味》一堆女人做主角又有小三登場,不過全片一啲都唔狗血,貌似平實反而入心入肺,好似母親陳淑芳同大女兒對話「我一輩子做牛做馬,沒有聽過你對我說一句謝謝」;徐若瑄飾演嘅二女俾心機讀書、成為醫生都只係滿足長輩心願,其實自己一啲都唔鍾意。聽落熟口熟面,係好多家庭嘅縮影。

父母子女嘅關係千絲萬縷又影響深遠,三代人因為一場白事化解心結感動廣大台灣觀眾。徐若瑄除咗主演仲係套戲嘅監製,《孤》予佢意義非凡,因為故事同佢自身經歷非常相似,難怪演得入木三分。

另一套必睇嘅台片由《大佛普拉斯》班底炮製嘅新作《同學麥娜絲》(2月20日上架),講述中年男人心聲,4個男人從學生時期到現在仍相約在泡沫紅茶店,同學聚在一起雖然粗口滿天飛,無聊日常中展現相互扶持的真摯友情,也透露了長大後面對困頓人生的徬徨與無奈。

電影以社會小人物做主角,黑色喜劇中帶點無奈與神傷,因為生活難關重重,唯一安慰就只有兄弟情。電風(鄭人碩 飾)是保險業務員,領著微薄薪水省吃儉用買了新房,因為女友懷孕將步入婚姻的人生階段;從事紙紮屋行業又有陰陽眼的閉結(劉冠廷 飾),因長期照顧臥病在床的阿嬤錯過婚姻,想尋求婚姻介紹所找一個好女人結婚;罐頭(納豆 飾)在一次吞藥自殺後洗心革面,接下了戶政所的工作,因此與他心目中的女神校花麥娜絲重逢;添仔(施名帥 飾)是懷才不遇的導演,卻在機緣下被政客(陳以文 飾)相中開始選舉之路。

Netflix仲有代表台灣出戰奧斯卡最佳國際電影嘅《陽光普照》,《陽》獲獎無數,於金馬獎橫掃最佳劇情長片、最佳導演、最佳男主角、最佳男配角、最佳剪輯等大獎,於多倫多國際影展、釜山國際影展、東京國際影展及第14屆亞洲電影大獎等多個影展獲得好評及入圍獎項提名。

父母與兩個性格迥異兒子,貌似平常嘅家庭,溫情中暗藏兇湧,因為無一個家庭係完美嘅!電影有新進男神許光漢飾演品學兼優嘅兒子阿豪,《陽》唔係喜劇,不過一如片名,生活再難依然感受到陽光嘅溫暖。

更多電影文章

【電影LOL】Super Bowl黃金時段 電影宣傳縮水 新片Old 30秒廣告最搶眼

【電影LOL】大半生都在演戲 細數基斯杜化龐馬佳作 晚年演基爸奪奧斯卡

【電影LOL】BL劇大熱 推介台劇《WBL》系列 腐女睇到心心眼

【電影LOL】金球獎提名公布 Netflix出品22項提名力壓傳統片商 《天能》得一項提名!

【電影LOL】VCD年代熱賣驚慄之作《心慌方》 日本翻拍新版10月上映

【電影LOL】GME股民鬥大鱷未完 美高梅扑鎚買故事版權開拍電影

【電影LOL】宋仲基科幻大片《勝利號》攻佔Netflix賀歲檔 孔劉朴寶劍科幻新片不日上映

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!