雅虎香港新聞 【電影LOL】派拉蒙加入串流大戰 《職業特工隊7》上畫後個半月有得睇
美國荷里活片廠Paramount Pictures宣佈加入串流平台，旗下Paramount Plus將於美國3月4日開台！話哂自家平台，當然有Paramount Pictures自家片庫，有齊大量經典電影例如《教父》、《星空奇遇記》、《油脂》、《孽緣》外，仲有埋其他片廠MGM及Lionsgate嘅作品，講明有哂007系列及《飢餓遊戲》等受歡迎電影！
Paramount Pictures嘅CEO Jim Gianopulos相信戲院大銀幕嘅威力，相信疫情過後觀眾會入返戲院睇戲，串流平台並不能取代戲院，開設Paramount Plus只係為咗提供多個渠道俾觀眾選擇，佢認為只有大銀幕先能夠撐起大IP、大製作，繼而衍生出電影外傳或劇集俾串流平台，兩個媒體係相輔相乘嘅關係。
所以Paramount Pictures有別華納嘅HBOMax以戲院、串流平台同步上映嘅方針，大致沿用舊形式，預計今年上映嘅距製《職業特工隊7》及《無聲絕境》等，會喺戲院開畫45日後，先到Paramount Plus平台播映，比起對家Universal訂立17日嘅條款寬鬆得多。此舉可確保自家平台有足夠大片之餘仲保障戲院收益，得到院線支持對旗下電影百利而無一害。
Paramount Pictures將為平台加入36個新節目，其中包括《教父》外傳The Offer、《星空奇遇記》等CBS劇集、MTV、Showtime等節目，最新仲包括重啟美國家傳戶曉、贏得多項金球獎及艾美獎嘅處境喜劇《歡樂一家親》（Frasier)，以及新版《午夜來嚇》、《詭墓》等。
Paramount Picture加入串流平台大戰，暫時只開於俾美國用戶，對香港觀眾未有直接影響，不過各片廠為咗吸客，投入大量資源製作更多電影及節目。香港未有Paramount Plus，節目版權可以賣俾其他平台，所以一樣有機會睇得到，串流平台百花齊放，只怕節目太多，時間太少，睇唔切！
更多電影文章
【電影LOL】今個星期睇咩戲 《唐人街探案3》《60分鐘招魂直播》《緊急救援》《蠟筆小新劇場版》
【電影LOL】BTS新紀錄片 BTS: Global Takeover展現天團上位之路 ARMY必睇！
【電影LOL】台灣韓國公司互相買《想見你》《梨泰院class》版權 許光漢朴叙俊互換角色得唔得？
【電影LOL】內地賀歲檔大收 《唐人街探案3》破《復仇者聯盟4》紀錄
【電影LOL】周杰倫《不能說的秘密》拍韓國版 EXO D.O演男主角
【電影LOL】Amazon拍《史密夫決戰史密妻》劇集版 唔搵型男索女做主角？！
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
