電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

疫情影響之下，觀眾連續2年過年冇得入戲院睇賀歲片。餓咗咁耐，今年已經有2套港產賀歲片準備好，5月已經開拍兼宣傳嘅《闔家辣》，近期已經出埋預告片同海報搶頭啖湯。

《闔家辣》由新晉導演鄭晉軒(Coba)編劇導演，故事正正發生喺佢屋企。Coba媽咪識整自家製辣椒醬，甚至出街食嘢都帶喺身，同食肆嘅辣醬比較下。疫情期間Coba要WORK FROM HOME，於是佢「安排」賦閒在家嘅父母大量製作辣椒醬拎嚟賣，等佢地唔使煩住自己。點知生意好好，Coba爸爸媽媽日日都喺屋企剁辣椒，Coba就設計包裝，反而因此有更多爭拗。

從事創作嘅Coba同吳君如提及呢件事，君如覺得好好笑，於是叫Coba將呢件事寫成劇本兼執導。君如話因為份劇本好多錯字，所以搵埋鄒凱光幫手執執。

喺《闔家辣》入面，MIRROR成員 Edan(呂爵安)飾演Coba，鄭中基同梁詠琪演佢嘅父母，吳君如就演跳舞師奶。搵得Edan梗係要做下佢嘅成名絕技反白眼，預告片所見佢食完辣椒醬之後做出《伙頭智多星》式嘅大叫，超誇張但係超經典！

而海報就以屋企廁所做背景，君如表示呢條「屎坑」橋正是來自佢本人。「其實呢個浴室厠所係電影其中一個場景，裡面發生太多尶尬笑話，你睇戲就會知，就算冇睇過戲，大家生活係香港都身同感受。」

更多電影文章

電影LOL︳今期睇咩戲 22世紀殺人網絡 復活次元/史賓沙/月老/殘影空間

電影LOL︳奧斯卡公布初選入圍名單 中港台電影無緣角逐外語片

電影LOL︳《哈利波特》20周年Re-U特輯元旦有得睇 仲可以一次過煲晒8集電影

電影LOL︳仲未有上映日期 4.5億港產科幻巨構《明日戰記》宣傳片登場

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

電影LOL︳金球獎提名公布 《魷魚遊戲》入圍爭大獎 仲有咩花生話題？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載