電影LOL︳奧斯卡公布初選入圍名單 中港台電影無緣角逐外語片

·2 分鐘文章

電影屆頒獎季節又到,最多人關注嘅奧斯卡頒獎禮喺美國時間星期二下午公布10個獎項嘅初選入圍名單。雖然未有公佈最佳電影男女主角配角之類提名,但都值得一睇。

同我地最有切身關係嘅應該係「最佳國際電影」,今次大會公布由92套參賽作品中選出嘅15強,評審要睇晒呢15套戲先可以評選最後5強。入圍作品當中並無中港台三地派出嘅華語片,近期香港上映中嘅日本電影Drive My Car成功躋身下一輪。15套戲當中,比較特別係有不丹嘅作品Lunana:A Yak in the Classroom。而早前因為譯名《羊懼》被網友瘋狂討論嘅冰島電影Lamb都喺名單之上。

今次大會亦公布「最佳紀錄片」及「最佳紀錄短片」15強,當中有紀錄新一代女歌手Billie Eilish走紅過程嘅Billie Eilish: The World’s a Little Blurry。喺金馬獎贏得「最佳紀錄片」嘅香港作品《時代革命》未見於名單之上,未知係冇報名定係未獲選。

其餘公布項目仲有最佳配樂、原創歌曲、造型、音效、視效等,占士邦片《007:生死有時》(No Time to Die)打入全部5個項目,即將上映嘅《22世紀殺人網絡4:復活次元》都有2項入圍。

下一階段投票由1月27日-2月1日進行,2月8日大會會公布最終入圍名單。至於頒獎禮日子同樣遲過疫情前,會喺3月27日舉行。

更多電影文章

電影LOL︳今期睇咩戲 蜘蛛俠:不戰無歸/東京教父

電影LOL︳《哈利波特》20周年Re-U特輯元旦有得睇 仲可以一次過煲晒8集電影

電影LOL︳仲未有上映日期 4.5億港產科幻巨構《明日戰記》宣傳片登場

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

電影LOL︳金球獎提名公布 《魷魚遊戲》入圍爭大獎 仲有咩花生話題?

電影LOL︳成功將負評化成3億票房《超音鼠大電影》開續集掟錢搵巨星座陣

電影LOL︳《天能》大導Christopher Nolan轉會 群星拱照拍原子彈之父爆炸性秘聞

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能