雅虎香港新聞 電影LOL︳金球獎提名公布 《魷魚遊戲》入圍爭大獎 仲有咩花生話題？
一年容易又年尾，亦係電影頒獎禮季節開波時間。下年1月9日舉行嘅第79屆金球獎頒獎禮，喺美國時間星期一早上公布提名名單，與其copy and paste提名名單數下邊套戲幾項提名，不如同你搵下今屆金球花生。
大會被杯葛 有獎冇人攞？
講提名之前，頒獎禮本身就已經夠晒話題性。因為主辦金球獎嘅荷里活外國記者協會(Hollywood Foreign Press Association)被爆出多項性騷擾同賄賂醜聞，仲被人揭發87名非美籍記者當中，一個黑人都冇。前幾年Black Live Matters風潮強勁，而家主辦單位仲要被指「太白」，都幾難洗白。藝人已經因此跳船割席，Tom Cruise索性連獎座都交返出來，而Amazon、Netflix、華納都表明唔再同金球合作，會唔會出現有獎冇人拎嘅情況？
《魷魚遊戲》準備創造歷史
連《愛回家》都要「致敬」嘅《魷魚遊戲》，喺今屆金球獎劇集類別獲得最佳劇集、男主角（李政宰）及男配角（吳永洙）三項提名。Netflix觀眾不分地域，《魷魚遊戲》靠橋段打入美國市場，到底有冇機會成為首套奪得主要獎項劇集？論聲勢《魷魚》贏晒其他最佳劇集，而李政宰爭「視帝」嘅對手都係最佳劇集嗰班（Lupin、Pose、Sucession），評審會唔會因為「太白」嘅批評，造就《魷魚遊戲》破紀錄？
劇情片影帝影后大混戰
今屆競爭都幾激烈，劇情片男主角當中，《王者世家》Will Smith演人物傳記片，通常都有優勢；遇著由戲種到演出都係「攞獎格」嘅《犬山記》Benedict Cumberbatch，仲有好戲之人Denzel Washington、拎過奧斯卡男配角嘅Mehershala Ali同Javier Bardem，個個有份量！
劇情片女主角同樣爭崩頭，有2位阿姐Olivia Colman 同Nicole Kidman，再加《星夢情深》後轉攻影壇嘅Lady Gaga、準影后級數Jessica Chastain同埋演戴妃一洗「面癱演技」負評嘅Kristen Stewart，暫時睇Lady Gaga嘅聲勢唔弱喎。
更多電影文章
電影LOL︳今期睇咩戲 美國女孩／赤BIG靈靈狗／一秒鐘 ／ 青春弒戀 ／ 驅魔高校 ／Drive My Car
電影LOL︳成功將負評化成3億票房《超音鼠大電影》開續集掟錢搵巨星座陣
電影LOL︳《天能》大導Christopher Nolan轉會 群星拱照拍原子彈之父爆炸性秘聞
電影LOL︳賽車題材吸金勁 片商掟錢搶畢彼特新片搏做下套《狂野時速》
電影LOL︳極索邦女郎Ana De Armas踢走黑寡婦 新片拍美國隊長談情冒險
電影LOL︳又係改編！尼古拉伯爵助手故事照殺 《尚氣》Awkwafina拍尼古拉斯基治
電影LOL︳樊少皇演內地版Ironman《虛擬特攻》 中咗槍仲可以隻揪
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
