電影LOL︳樊少皇演內地版Ironman《虛擬特攻》 中咗槍仲可以隻揪

荷里活出品嘅動作特技片相信香港觀眾唔陌生，如果《鐵甲奇俠》（Ironman)改由香港演員主演，你又會唔會睇？近日內地有套《虛擬特攻》俏俏地出咗預告片，電影由湯蕎嘉執導，「力王」樊少皇主演。

電影講述金牌保鏢龍威（樊少皇飾）在妻子慘死後患上了創傷後應激障礙，落魄流落海外，意外結識黑岩公司職員Amy（姜怡伊 飾），在她邀請下加入了新產品武裝機甲的測試，不料中途遭遇神秘武裝人員入侵，一場殊死大戰就此拉開……

睇返資料原來《虛擬特攻》係內地出品，專為騰訊視頻影音平台而拍嘅網絡電影，早於今年9月以另一片名《神兵特攻》於平台首播。預告片可見電影用咗大量特效，其中武裝機甲嘅造型及動作令人聯想起Ironman，不過電腦特技效果同荷里活比仲有一大段距離，

劇情方面都有唔少反駁位，例如唔知點解有好多英文對白、主角炸極唔死、大奸角殺人如麻偏偏唔殺男女主角等，不過睇埋結局謎底揭盅時又覺得劇情可以接受，同埋理解點解武裝機甲都不及樊少皇埋身肉搏威力更大。《虛》其實係以科幻包裝嘅動作武打電影，賣點係樊少皇，唔係電腦特效同劇情！

《虛》勝在爽快，動作場面確實刺激，由頭打到尾，大量爆頭噴血場面，樊少皇一夫當關以肉身檔機關槍同手榴彈，中咗槍都依然可以跑同打，簡直勁過007，難怪會有香港片商引入呢套低成本製作！

雖然《虛》難以超越樊少皇90年代主演Cult片經典《力王》嘅暴力程度，可幸久未於香港銀幕露面嘅佢依然身手敏捷，鍾情港式動作功夫嘅朋友一睇無妨。《虛擬特攻》暫未有正式上映日期。

更多電影文章

電影LOL．今期睇咩戲︳假冒女團／喜歡妳是妳／第一爐香／Gucci名門望族／奇幻魔法屋

電影LOL︳BL大熱！《如果30歲還是處男，似乎就能成為魔法師》拍電影版

電影LOL︳宮崎駿再次復出 新作《你想活出什麼的人生？》3年內有得睇

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠：不戰無歸》預告片登場 蛛絲馬跡睇出齊集三代蜘蛛俠？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載