電影LOL︳觀眾唔buy拍美國版 《屍殺列車》搵恐怖片專家出手

·2 分鐘文章

韓片《屍殺列車》上映時食正喪屍片熱潮,全球錄得9800萬美元票房,荷里活早於2018年已落實翻拍韓片《屍殺列車》,當時幾大片廠包括環球影業、派拉蒙、Netflix高價爭奪戰,最後由Newline投得改編權。

以往有唔少優質外語片被翻拍成美版,例如翻拍法國電影《閃亮人生》,美版成績仲相當不俗。不過美國觀眾對於拍美版《屍》相當反感!

近年韓流成功打入美國市場,《上流寄生族》成為奧斯卡嬴家,Kpop男團BTS成為美國少女偶像等;加上串流平台興起,觀眾接觸多咗外語片,仲表示所有日、韓作品改編成荷里活電影都會被嚴重西化,無哂原著精粹!唔少美國網友表示與其駛大錢翻拍不如俾多少少譯好啲字幕,仲話除非搵返孔劉做男主角,否則罷睇!

因為反應麻麻,改編計劃一度停滯,直至最近終於有進展!據外媒Deadline透露,電影將會移師至紐約成為Last Train to New York,片廠Newline搵嚟《詭娃安娜具爾》編劇Gary Dauberman著手劇本改編,《黑夜降臨》(The Night Comes For Us)印尼導演Timo Tjahjanto將會執導美版《屍殺列車》。

Timo Tjahjanto作品以動作、驚慄為主,前作V/H/S/2喺美國辛丹斯影展備受矚目;另一套講述黑幫仇殺嘅《黑》亦廣受好評,美版幕後班底曾經監製過《恐懼鬥室》、《兒凶》及《詭屋驚凶實錄》等賣座驚嚇片。《屍》經佢哋手,驚嚇程度有機升級,不過韓版中溫馨父女情、馬東石同鄭有美嘅sweet sweet夫妻情又會唔會得以保留或提升,就要等美版面世先知啦!

導演延尚昊及男主角孔劉因《屍》知名度大增,延尚昊接連幾套恐怖片《屍殺半島》、《咒術屍戰》繼續叫好叫座,最新幫Netflix拍嘅迷你劇《地獄公使》據聞比《屍》仲要恐怖好多倍!延尚昊似乎有大把橋可以拍,既然又要買版權、製作費又貴,同一舊錢用嚟拍新故事會唔會更化算呢?

更多電影文章

電影LOL︳今期睇咩戲 智齒/捉死敢死隊:魅來世界/王者世家/鱷魚/機動戰士高達I劇場版/幪面超人聖刃+機界戰隊全開者

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠:不戰無歸》預告片登場 蛛絲馬跡睇出齊集三代蜘蛛俠?

電影LOL︳Disney+狂炒冷飯 Amy Adams再演天真嬌俏公主 湯漢斯演新版《木偶奇偶記》

電影LOL︳Disney+節目晒冷 大量Marvel角色單飛拍劇集

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能