電影LOL︳Disney+節目晒冷 大量Marvel角色單飛拍劇集

·2 分鐘文章

迪士尼串流平台將於16日正式登場,平台於12日舉行咗Disney+ Day網上活動慶祝平台成立2周年,順手做埋節目巡禮。活動公佈咗大量新劇,漫威系列作品特別多,MCU第4階段發展多元宇宙,各個角色嘅電影或劇集互相關聯,睇少套好似少咗塊拼圖唔完整!

Disney+ Day最新節目包括動畫X-Men ‘97,正式宣佈《變種特攻》X-Men回歸漫威大家庭。故事將連接90年代變種特攻電視動畫劇情發展。真人電影系列暫時未於節目名單中出現,不過開得動畫X-Men ’97,相信不久將來就會睇到電影版。

另外WandaVision中好搶鏡嘅鄰居Agnes,將會推出獨立劇集Agatha:House of Harkness,Agatha一角繼續由Kathryn Hahn飾演,故事由WandaVision首席編劇Jac Schaefer執筆。另外《鷹眼》(Hawkeye)未出街已鐵定有外傳,當中由Alaqua Cox飾演嘅Maya Lopez將有自己個人劇集Echo。

新漫威劇集仲有Moon knight,由《沙丘瀚戰》男星Oscar Isaac主演,故事講述男主角Marc Spector患有多重人角,自覺通靈埃及神Knonshu,經常陷於人、神、現代及古埃及對戰之中,劇集仲有《日落巴黎》男星Ethan Hawke飾演歹角。

另一重頭劇集仲有She-Hulk,女版「變型俠醫」由Tatiana Maslany飾演,未變身時係專為超能人打官司嘅律師。「變型俠醫」Mark Ruffalo亦有份主演She-Hulk,預計出年推出。

電影《驚奇隊長》續集一早講咗會變陣成為The Marvel,其中新登場嘅Ms Marvel將有同名獨立個人劇集,講述16歲少女Kamala Khan(Iman Vellani飾)一直苦於找尋自己嘅定位,直至佢發現自己嘅超能力。

雖然「鐵甲奇俠」於MCU第3階段功得完滿,不過「鐵甲」傳奇將以劇集Ironheart延續落去,劇集講述天才發明家Riri Williams (Dominque Thorne飾)製造出繼「鐵甲奇俠」後最先進嘅盔甲。

活動仲公佈咗一系列Marvel動畫包括蜘蛛俠Freshman Year、以Ultra做主角嘅What If…?第2季,仲有《銀河守護隊》中好cute嘅樹人BB都會推出短片系列I’m Groot,節目超豐富!

更多電影文章

電影LOL︳今期睇咩戲 梅艷芳/長津湖/東京貴族女子/藍色恐懼

電影LOL︳狄卡比奧再衝影帝 演邪教教主害死近千人

電影LOL︳觀眾陰影太大? One Piece拍真人版 造型照曝光已經有負評

電影LOL︳BL劇《只因我們天生一對》電影版 12月香港上映

電影LOL︳台灣視后賈靜雯壓陣 《瀑布》揭母女疫情下困獸鬥

電影LOL︳神奇女俠Gal Gadot演《白雪公主》魔后 網友大呼選角錯晒!

電影LOL︳新一代邦女郎安娜迪艾瑪絲變影壇搶手貨 傳接拍殺神John Wick外傳

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能