電影LOL︳神奇女俠Gal Gadot演《白雪公主》魔后 網友大呼選角錯晒!

迪士尼近年將唔少經典故事拍成真人版,《阿拉丁》、《灰姑娘》之外連《獅子王》都有「真獅」版!家傳戶曉嘅《白雪公主》當然走唔甩。

早前我地都報導過,《白雪公主》將會由荷里活影壇怪物級新人Rachel Zegler擔任女主角。20歲嘅拉丁裔Rachel 幕前演戲經驗唔多,但係已經幾部大片片約在手,包括被大導演史提芬史匹堡相中成為《西城故事》女主角,另外仲有DC嘅《沙贊!2》,奇就奇在呢堆戲未上畫,電影公司就搏佢有潛質有叫座力。

新版白雪公主Rachel Zegler
新版白雪公主Rachel Zegler

有白雪公主又點可以冇魔后?之前以黑魔后Maleficent做主角嘅《黑魔后:沉睡魔咒》,搵那些年嘅美艷女神Angelina Jolie擔正,同原著故事描述變老變醜嘅魔后形象截然不同。既然珠玉在前,新版《白雪公主》嘅魔后人選變得舉足輕重。

新版惡毒王后Gal Gadot,你話魔鏡點答好?
新版惡毒王后Gal Gadot,你話魔鏡點答好?

外媒Deadline報導,迪士尼屬意搵《神奇女俠》嘅Gal Gadot飾演魔后,雙方商討進入最後階段,但係Gal 老公Yaron Versano已經喺IG證實消息,而Gal本人出席新片Red Notice首映都認咗會做壞蛋皇后,仲話急不及待想搵「魔鏡」照一照。

消息傳出後,有mean爆網友話「套戲10秒完得!皇后問魔鏡『世上邊個最靚』,咁魔鏡一定答係皇后架喎」,明寸Rachel Zegler冇Gal Gadot咁靚。到底劇組會點樣安排?化個醜妝俾Gal Gadot,定係要Rachel 演技搭救?呢個咪就係賣點囉!

更多電影文章

電影LOL.今期睇咩戲︳永恆族/今敏:造夢大師/消廢者聯盟

電影LOL︳新一代邦女郎安娜迪艾瑪絲變影壇搶手貨 傳接拍殺神John Wick外傳

電影LOL︳80年代港產片浪潮重要人物 新藝城主腦石天逝世

電影LOL︳迪士尼拍《波西傑克森》美劇 原作者親自執筆費事電影版又爛尾

電影LOL︳九把刀再執導 《月老》搵柯震東主演 再現《那些年》奇蹟?

電影LOL︳DC開拍《蝙蝠女》電影 最搶眼卡士係呢位暴肥前男神

電影LOL︳Barbie真人電影陣容越整越強 Ryan Gosling演真人版Ken

電影LOL︳Anson Lo盧瀚霆首部電影《假冒女團》男扮女裝兼著道士袍跳舞

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載