雅虎香港新聞 電影LOL︳迪士尼拍《波西傑克森》美劇 原作者親自執筆費事電影版又爛尾
受惠於串流平台崛起，對電影、劇集需求量大增，俾咗機會片廠「改過自身」，將拍衰咗嘅故事重新開拍！迪士尼計劃改編青少年暢銷小說《波西傑克森》成為劇集，於Dinsey+獨家上映。
由Rick Riordan創作嘅《波》小說一共5集，講述父親為海神波賽頓，半神半人擁有超能力嘅少年波西，可以控制水及以水治療傷口。故事講波西及其一眾半人半神好友喺混血營接受特訓嘅生活，一班後生仔經常遇上各種惡勢力，對付壞人過程驚險萬分。
故事結合古希臘神話、奇幻、冒險、青春戀愛及友情、個人成長於一身，小說系列極受歡迎，被翻譯30多種語言全球大賣6900萬本。小說咁成功，片商當然買版權改編成電影，仲打算一口拍成3部曲，電影首集《波西傑克森：神火之賊》於2010年推出，續集《波西傑克森：妖魔之海》則於2013年推出。
當年電影版被寄予厚望，做《哈利波特》接班人︰首集《神火之賊》全球票房收過2億2,700萬美金，《妖魔之海》都收到2億美金票房，成績不過不失，不過系列被腰斬，電影無拍第3集！票房未如預期外，評價好壞參半都係電影被叫停原因。
事關電影版並無搵原作者Rick 參與，電影出嚟效果同小說fans預期有極大落差，事隔多年Rick形容電影版係「一生心血被掉入碎肉機」，非常慘痛。不過佢透露改編有Take 2，小說將會改編成劇集，而佢本人今次有份參與改編！
《波西傑克森》劇集暫定將5部小說分別拍成5季劇集，由《愛探險的Dora：勇闖黃金迷城》導演James Bobin執導首季試播集（Pilot）。雖然劇集未得到迪士尼落實，不過James Bobin同Rick Riordan都好有信心劇集可以面世，依家正積極搵緊飾演Percy Jackson嘅年輕演員！
更多電影文章
電影LOL︳今期睇咩戲 一級指控／馬達．蓮娜／蘇豪的最後一夜／淺田家／血魔獸／龍與雀斑公主
電影LOL︳九把刀再執導 《月老》搵柯震東主演 再現《那些年》奇蹟？
電影LOL︳DC開拍《蝙蝠女》電影 最搶眼卡士係呢位暴肥前男神
電影LOL︳Barbie真人電影陣容越整越強 Ryan Gosling演真人版Ken
電影LOL︳Anson Lo盧瀚霆首部電影《假冒女團》男扮女裝兼著道士袍跳舞
電影LOL︳DC節目巡禮 Robert Pattinson主演新版《蝙蝠俠》曝光 企鵝人貓女有新形象
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
