雅虎香港新聞 電影LOL︳Anson Lo盧瀚霆首部電影《假冒女團》男扮女裝兼著道士袍跳舞
11月有被外媒譽為史上最佳嘅漫威電影《永恆族》，同月都有一套港產片，未必係史上最佳，不過話題、人氣肯定熱爆，講緊係教主Anson Lo(盧瀚霆）、Error嘅193（郭嘉駿）主演喜劇《假冒女團》！
Anson Lo人氣爆燈，作為首位Mirror成員進軍大銀幕，一舉一動備受注目。雖然Anson Lo未受過專業演戲訓練，不過凡事盡200分力嘅佢，演戲一啲都唔失禮，《大叔的愛》阿牧有幾深情大家有目共睹。今次挑戰喜劇，相信可以見到不一樣嘅教主！
《假》故事講述國際保障未成年少男少女身心健康發展協會會員Dr.K (譚耀文) ，質疑司徒老闆（林敏聰) 舉辦的選秀活動「新星產線」利用年輕人追夢的心理，從中榨壓勒索，嚴重危害大批青少年身心發展。然而協會目前面臨營運困難，只好將貨就價重新聘用被革職的問題會員雷紫荊（盧瀚霆) 協助調查，意外令娛樂記者夏日葵（蘇皓兒）、九線歌手白百合（李靜儀）及解救堂妹元萱（陳紫萱）的元螢（李炘頣）組成假冒女團參賽⋯
電影開拍至今終於等到先導預告片，短短幾十秒已經見到Anson Lo換咗好多個look！早前受訪時，教主講過要為套戲男扮女裝，如果佢同陳葦璇組成孖生女團，應該好有說明力，可惜唱得跳得嘅陳葦璇戲內唔係「假冒女團」成員！預告片中無見到教主著女裝，不過面上嘅妝明顯重手，唇紅齒白但點睇都唔似女仔喎。
話哂扮女團參賽又邊少得跳舞場面，片中教主身穿道士袍企C位跳舞，相信戲內會有更多跳唱場面。佢跳舞好睇一早知，不過估唔到佢嘟嘴扮cute都咁拿手！另外教主同其中一名女團成員會有感情線，深情對望又或者身貼身場面難避免，各位神徒睇戲時盡量控制住唔好尖叫！
不過無估到扮女團跳唱外，教主仲要動作演員上身，駛出橫空飛腳，有板有眼，話唔定可以開多條戲路做埋武打巨星！《假》仲有Error嘅193飾演mean爆導演，好想知佢點樣將佢嘅急才融入角色之中，同場仲有《全民造星III》嘅Alina李炘頤、陳葦璇，仲有蘇皓兒及陳紫萱，青春逼人！
電影將於11月25日上映，期待教主及一眾神徒再創佳績，締造亮眼票房！
更多電影文章
電影LOL．今期睇咩戲︳假面之夜／失靈腦朋友／邂逅愛之夏／月光光殺清光／我的英雄學院劇場版
電影LOL︳DC節目巡禮 Robert Pattinson主演新版《蝙蝠俠》曝光 企鵝人貓女有新形象
電影LOL︳超人之子漫畫出櫃 同志超級英雄登上大銀幕不遠矣？
電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s
電影LOL︳Disney+11.16登陸香港 738蚊年費有咩睇？
電影LOL︳金馬獎入圍名單公布 港片《濁水漂流》獲12項提名
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
