電影LOL︳BL劇《只因我們天生一對》電影版 12月香港上映

·2 分鐘文章
《大叔的愛》
《大叔的愛》

觀眾對BL(Boy’s Love)作品接受程度越來越高,早排都有唔少人成家齊齊追港版《大叔的愛》,甚至有阿仔見父母對BL劇冇反感而借勢出櫃添。

亞洲地區BL作品點止得日本先有,靚仔多多嘅泰國舊年就有套BL劇《只因我們天生一對》(2gether)爆紅,紅到連香港都有唔少fans,佢地甚至喺香港搞應援活動兼推出宣傳品。2位男主角Bright(Vachirawit Chivaaree) 同Win(Metawin Opas-iamkajorn)仲成為泰國新一代男神。

電影LOL︳BL劇《只因我們天生一對》電影版 12月香港上映
電影LOL︳BL劇《只因我們天生一對》電影版 12月香港上映

《只因我們天生一對》講述大學新生Tine(Win飾演)幻想喺校園好好談戀愛,點知被另一男生Green瘋狂追求。為咗擺脫Green,Tine與朋友決定要令對方知難而退,於是搵cool爆嘅校園男神Sarawat(Bright飾演)扮自己男友,喺相處過程中Tine 同Sarawat開始戲假情真。

電影LOL︳BL劇《只因我們天生一對》電影版 12月香港上映
電影LOL︳BL劇《只因我們天生一對》電影版 12月香港上映

電視劇舊年2月喺泰國開播嘅時候,收視未見突出,但係愈戰愈勇,去到大結局嘅收視率,係第一集嘅7倍有多!至於喺網上平台嘅觀看次數,套劇未播完就過咗1億次,多得班fans將啲錫錫抱抱畫面刷完又刷啦!由於套劇太受歡迎,播完2個禮拜電視台宣布即刻整5集特別篇幫fans止渴,並且會開電影版。

呢個係Win
呢個係Win
呢個係Bright
呢個係Bright

電影版主要係將劇集內容濃縮剪輯,再加插新拍嘅Bright Win二人畢業後打工生活,可以想像會係瘋狂加甜!早前電影喺香港亞洲電影節放映,戲飛被fans秒殺,電影公司決定下個月初正式上畫,開畫日場次仲送主角明信片架。

優惠詳情

更多電影文章

電影LOL.今期睇咩戲︳永恆族/今敏:造夢大師/消廢者聯盟

電影LOL︳台灣視后賈靜雯壓陣 《瀑布》揭母女疫情下困獸鬥

電影LOL︳神奇女俠Gal Gadot演《白雪公主》魔后 網友大呼選角錯晒!

電影LOL︳新一代邦女郎安娜迪艾瑪絲變影壇搶手貨 傳接拍殺神John Wick外傳

電影LOL︳80年代港產片浪潮重要人物 新藝城主腦石天逝世

電影LOL︳迪士尼拍《波西傑克森》美劇 原作者親自執筆費事電影版又爛尾

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能