電影LOL︳宮崎駿再次復出 新作《你想活出什麼的人生?》3年內有得睇

·2 分鐘文章
電影LOL︳宮崎駿再次復出 新作《你想活出什麼的人生?》3年來有得睇
電影LOL︳宮崎駿再次復出 新作《你想活出什麼的人生?》3年來有得睇

最近日本品牌Porter同吉卜力電影工作室crossover,將名作《龍貓》可愛元素加入多個經典側孭袋、背囊等,啱晒做聖誕禮物!

見到《龍貓》自然會諗起宮崎駿大師,80歲嘅佢喺2017年已經宣布第2次復出,新作亦好可能係最後之作係改編自吉野原三郎同名小說嘅《你想活出什麼的人生?》。甚少接觸傳媒嘅大師,最近罕有接受《紐約時報周刊》訪問,披露復出原因 — 好簡單,「因為我想」。

至於新作《你想活出什麼的人生?》,宮崎駿喺訪問之中冇透露太多,只係形容為巨構式嘅幻想(fantasy on a grand scale),亦冇講到同原著故事會有幾多分相似,最多係話將自己化為片內其中一個非人類角色。記者好醒目咁問「咁『你想活出什麼的人生』?」,大師答得仲妙「我冇答案,所以先拍呢套戲」。

電影LOL︳宮崎駿再次復出 新作《你想活出什麼的人生?》3年來有得睇
電影LOL︳宮崎駿再次復出 新作《你想活出什麼的人生?》3年來有得睇

《你想活出什麼的人生?》故事以主角本田純一嘅視角觀察世情。純一因為父親逝世而要同叔叔生活,隨後發現自己嘅生活開始出現好大變化,由佢嘅角度去睇社會架構,以及要點樣定位自己喺社會嘅角色。《你》係日本當地重要文學作品之一,曾經係「讀者最喜愛的一本書」投票嘅亞軍,推出八十幾年來影響過無數日本人,而宮崎駿都寫過文章講起《你》引發佢嘅思考,認為世道如何,都要生活得似個人。

幾時有得睇?冇咁快!之前有報導話電影進度緩慢,而吉卜力嘅最新講法係希望3年內完成。假如你係宮崎駿fans,幾耐都會等架啦。

更多電影文章

電影LOL.今期睇咩戲︳假冒女團/喜歡妳是妳/第一爐香/Gucci名門望族/奇幻魔法屋

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠:不戰無歸》預告片登場 蛛絲馬跡睇出齊集三代蜘蛛俠?

電影LOL︳Disney+狂炒冷飯 Amy Adams再演天真嬌俏公主 湯漢斯演新版《木偶奇偶記》

電影LOL︳Disney+節目晒冷 大量Marvel角色單飛拍劇集

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能