電影LOL︳BL大熱!《如果30歲還是處男,似乎就能成為魔法師》拍電影版

·2 分鐘文章

BL故事極受歡迎,繼《大叔的愛》、《昨日的美食》後又一套人氣BL劇集《如果30歲還是處男,似乎就能成為魔法師》將會開拍電影版,並將於下年4月8日於日本上映!

《如》改編自豐田悠嘅同名BL漫畫,故事講述上班族安達(赤楚衛二飾)過咗30歲仲係處男,意外獲得只要掂到就會聽到對方心聲嘅魔法,意外得知有型又能幹嘅同事黑澤(町田啟太飾)原來暗戀自己,遲鈍嘅佢對於黑澤心意不知所措,多得好友及好同事神助攻,佢慢慢認清了解自己對黑澤嘅好感,劇集最後2位靚仔有情人終成眷屬,非常甜蜜!

劇集於深夜時段播出意外爆紅,捧紅兩位本來無咩知名度嘅男主角赤楚衛二及町田啟太。《如》「處男」魅力仲燃燒至東南亞包括台灣、韓國、泰國、越南等地,香港亦有唔少劇迷,紅到開埋網上粉絲見面會。最勁係劇集完結後大班fans睇唔夠,劇組應熱情要求推出特別篇,結果因為太多人睇搞到串流平台TSUTAYA冧server,人氣爆燈!

電影故事將承接劇集發展,由於安達已經無咗聽人心嘅魔法(你知點解啦~),故事將會集中講述安達及黑澤嘅拍拖日常,可以預視電影版會有好多閃到爆、甜到漏嘅場面!劇集版嘅骨幹演員包括飾演安達好友嘅淺香航大及其男友優太朗,支持安達黑澤拍拖嘅同事佐藤玲等原班人馬演出電影版,唯一唔同就係電影版編劇將由純愛電影《愛在雨過天晴時》編劇坂口理子執筆。

《如》原著作者豐田悠都有特別出post同讀者分享開拍電影版喜訊,漫畫《如》本身勁受歡迎大賣過百萬本,目前仍然連載緊,不過相信一眾書迷依家睇漫畫都會key咗赤楚衛二同町田啟太𠴱樣落去,睇得更肉緊!

更多電影文章

電影LOL.今期睇咩戲︳假冒女團/喜歡妳是妳/第一爐香/Gucci名門望族/奇幻魔法屋

電影LOL︳宮崎駿再次復出 新作《你想活出什麼的人生?》3年內有得睇

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠:不戰無歸》預告片登場 蛛絲馬跡睇出齊集三代蜘蛛俠?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能