電影LOL︳又係改編!尼古拉伯爵助手故事照殺 《尚氣》Awkwafina拍尼古拉斯基治

·2 分鐘文章

間間荷里活片廠都有「超級英雄」喺手負責吸金,分唔到漫威、DC出名角色點算?可以學下環球影業咁,積極發展主打驚慄歷險元素嘅「怪物」系列,近日就宣佈開拍Renfield。

Renfield首次於Bram Stoker1897年出版小說《德古拉》出現。觀眾對呢位萬年吸血鬼「德古拉」一啲都唔陌生,故事多次被搬上大銀幕,形象由兇殘、神秘到空虛寂寞柔情似水咩都有,而Renfield就係德古拉跟班。

原著中Renfield喜好飲血、食生昆蟲及動物,斷斷續續訴說自己與主人德古拉嘅生活,被診斷成有妄想症而被關於精神病院中,實際佢真係德古拉嘅忠心僕人,就算入咗精神病院仍然逃唔開德古拉嘅控制。電影將由《LEGO:蝙蝠俠英雄傳》、《明日之戰》導演Chris McKay執導,由人氣動畫Rick and Morty主筆Ryan Ridley負責劇本。

故事背景據聞會搬到現代,對抗吸血鬼德古拉唔再恐怖,反而係驚險刺激嘅喜劇!男主角Renfield確定由《變種特攻》、《末日先鋒:戰甲飛車》男星Nicholas Hoult飾演,而女主角則由於《我的富豪男友》《尚氣》極搶鏡嘅金球影后Awkwafina擔任,暫時未知其主演角色,可以肯定電影唔會跟足原著,所以Awkwafina有機飾演全新角色!

至於關鍵嘅德古拉一角則確定由尼古拉斯基治(Nicholas Cage)飾演。Cage於80年代入行,主演多部經典包括《月滿抱佳人》,1995年憑《兩顆絕望的心》成為奧斯卡影帝,一度為荷里活身價最高嘅男星,演技一流私生活亦相當有娛樂性,包括花費巨額金錢買化石、鬼屋等搞到破產!

近年轉拍獨立片《狂屠絕路》、《屠出殺樂園》做神經質、血腥斬人王殺出條新戲路,依家參演Renfield係尼古拉斯基治繼2011年《幽靈車神:死神復仇》後再次接拍荷里活大片廠作品,回歸主流市場!

更多電影文章

電影LOL.今期睇咩戲︳法蘭西諸事週報/只因我們天生一對電影版/劫券同盟/路易斯韋恩的迷幻貓世界/異度詭酒店/一直游到海水變藍

電影LOL︳樊少皇演內地版Ironman《虛擬特攻》 中咗槍仲可以隻揪

電影LOL︳BL大熱!《如果30歲還是處男,似乎就能成為魔法師》拍電影版

電影LOL︳宮崎駿再次復出 新作《你想活出什麼的人生?》3年內有得睇

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能