電影LOL︳《哈利波特》20周年Re-U特輯元旦有得睇 仲可以一次過煲晒8集電影

·2 分鐘文章
電影LOL︳《哈利波特》20周年Re-U特輯元旦有得睇 仲可以一次過煲晒8集電影
電影LOL︳《哈利波特》20周年Re-U特輯元旦有得睇 仲可以一次過煲晒8集電影

嚟緊嘅元旦好忙!除咗要睇叱咤,仲要睇《哈利波特》20周年Re-U特輯!

唔講唔覺,第一套《哈利波特》電影《神秘的魔法石》原來即將面世20周年。幾位主角Daniel Radcliffe、Rupert Grint 和 Emma Watson真係睇住佢地大。既然係咁,電影公司決定搵返主要演員參與回顧特輯Return to Hogwarts(重返霍格華茲),近排預告片曝光,見到演員們收到邀請信,「哈迷」好熟悉嘅九又四分三號月台亦再次出現。

三位主角以外仲有邊個會一齊返霍格華茲?海格(Robbie Coltrane)、納威隆巴頓(Matthew Lewis)同亞瑟衛斯理(Mark Williams)都有份,睇埋預告字幕仲見到Helena Bonham Carter、Ralph Fiennes(佛地魔)、Jason Isaacs (馬份)同Gary Oldman(天狼星)都會登場。

留意返,呢個係回顧特輯,唔係新一套「哈片」!所以內容都係講返當年拍戲軼事之類,新年睇咪當開party想當年咁囉。電影公司亦都深明睇得呢個特輯都係fans,於是仲一口氣將8套《哈利波特》電影放晒上串流平台HBO MAX,「哈迷」呢個新年唔駛瞓。

而家香港仲未開通HBO MAX,要睇?唔駛識魔法嘅,翻牆用VPN連上北美平台咪得囉。

更多電影文章

電影LOL︳今期睇咩戲 蜘蛛俠:不戰無歸/東京教父

電影LOL︳仲未有上映日期 4.5億港產科幻巨構《明日戰記》宣傳片登場

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

電影LOL︳金球獎提名公布 《魷魚遊戲》入圍爭大獎 仲有咩花生話題?

電影LOL︳成功將負評化成3億票房《超音鼠大電影》開續集掟錢搵巨星座陣

電影LOL︳《天能》大導Christopher Nolan轉會 群星拱照拍原子彈之父爆炸性秘聞

電影LOL︳爆肌舞男再現 《光豬舞壯士》拍第3集準備收山?

電影LOL︳賽車題材吸金勁 片商掟錢搶畢彼特新片搏做下套《狂野時速》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能