電影LOL︳仲未有上映日期 4.5億港產科幻巨構《明日戰記》宣傳片登場

·2 分鐘文章

秏資4.5億港元的科幻動作電影《明日戰記》遲遲未落實上映日期,近日電影公司大手筆搵嚟伍家謙拍咗2條「特別新聞報導」宣傳片,一條講科學家偵測到一顆隕石逼近地球,更偵察到隕石上含生命跡象,極可能是有外太空生物,估計隕石會於12月17日晚上8點撞擊香港。

而17日8時再於香港多個戶外屏幕推出電影多個未曝光畫面,講述隕石撞向地面造成破壞之餘,隕石更承載着遇水生長及破壞力驚人嘅外太空巨型植物嚟到地球,對城巿造成嚴重破壞,危及地球人存亡,古天樂飾演嘅泰來親自率領空戰部隊緊急處理。

片段中仲有劉青雲穿上重型戰甲迎戰敵人,場面危急。空戰裝甲戰機要對付外太空植物又要對付火力十足嘅對手,於惡劣天氣下迎擊,左穿右插穿梭災場,畫面睇落幾刺激!

《明日戰記》為導演吳炫輝首次執導作品,吳喺電腦特效方面經驗豐富,分別獲得香港電影金像獎、台灣金馬奬及亞洲電影大奬等頒發嘅「最佳視覺效果」獎項。《明》演員部分一早拍好,後期製作方面動用大量心力、人力,用咗差唔多2年時間製作,據聞用咗香港有史以來最多電腦特效鏡頭,暫時片段效果不俗,非常像真!

電影由古天樂、劉青雲、劉嘉玲、謝君豪以及香港電影金像獎最佳男配角姜皓文主演,仲有張家輝友情客串,最新一款海報就見到古天樂戲內配戴嘅重型戰鬥裝甲頭盔,在一片廢墟之中被巨型外太空植物纏上,而背景的一片廢墟中亦能隱約看出空戰部隊的隊徽,相信之後陸續推出暗示劇情嘅角色海報。

香港鮮有拍攝咁大規模嘅科幻、動作片,自開拍而來一直備受期待。不過等極又等,上星期五仲出哂「特別新聞報導」,單係首波宣傳就咁大陣仗,相信對《明日戰記》好有信心!不過,到底吊胃口到幾時,可唔可以快啲公佈正式上映日期?

更多電影文章

電影LOL︳今期睇咩戲 蜘蛛俠:不戰無歸/東京教父

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

電影LOL︳金球獎提名公布 《魷魚遊戲》入圍爭大獎 仲有咩花生話題?

電影LOL︳成功將負評化成3億票房《超音鼠大電影》開續集掟錢搵巨星座陣

電影LOL︳《天能》大導Christopher Nolan轉會 群星拱照拍原子彈之父爆炸性秘聞

電影LOL︳爆肌舞男再現 《光豬舞壯士》拍第3集準備收山?

電影LOL︳賽車題材吸金勁 片商掟錢搶畢彼特新片搏做下套《狂野時速》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能