電影LOL︳Matrix監製爆《復活次元》本來另有導演人選 拍續集不置可否

《22世紀殺人網絡》可算係千禧年代重要電影作品，2003年第二、三部曲出街之後，好多影迷都以為告一段落，估唔到18年後仲會有新一套《復活次元》延續落去。

外媒Collider訪問咗《22世紀殺人網絡》三部曲副導、《復活次元》監製James McTeigue了解一下電影背後故事。

最引人入勝嘅係記者問到片商華納有冇諗過飛起電影靈魂人物華高斯基兄弟（後來二人變性成為姊妹），自行組班開拍新一套Matrix電影，James 就話當一間公司擁有一個賣座故事，在商言商之下一定會考慮點樣翻拍或者發展新篇章，亦都承認華納有考慮過搵第個導演幫手，仲有幾個故事喺手。不過咁啱兩三年前Matrix導演之一Lana Wachowski同佢講有興趣拍新一章Matrix電影，華納亦都最buy Lana個劇本概念，天時地利人和之下，由Lana單飛執導。

除此之外James仲爆咗幾單同《復活次元》有關嘅話題，包括飾演Agent Smith嘅Hugo Weaving因為新冠疫情影響檔期而未有回歸；《復活次元》（Resurrection)呢個名係由劇本階段已經敲定；James明言冇傳說中嘅「比原片長30分鐘」嘅導演版本。至於會唔會因為《復活次元》而重啟成個系列，James話呢一刻未有拍前傳、後傳或者拍多套三部曲嘅諗法。

「呢一刻未有」啫，睇完票房計埋盤數……可能又會「叮」一聲諗到架啦。

更多電影文章

電影LOL︳今期睇咩戲 22世紀殺人網絡 復活次元/史賓沙/月老/殘影空間

電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

電影LOL︳奧斯卡公布初選入圍名單 中港台電影無緣角逐外語片

電影LOL︳《哈利波特》20周年Re-U特輯元旦有得睇 仲可以一次過煲晒8集電影

電影LOL︳仲未有上映日期 4.5億港產科幻巨構《明日戰記》宣傳片登場

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

電影LOL︳金球獎提名公布 《魷魚遊戲》入圍爭大獎 仲有咩花生話題？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載