《小丑︰雙瘋》票房失利 難望再創上集10億美元紀錄︳電影LOL

上周上映嘅《小丑︰雙瘋》（Joker: Folie à Deux）可能近年最具爭議嘅電影，上集全球大收十億美元（下同），今集改成音樂劇風格，再加入Lady Gaga做「小丑女」，成件事聽落幾癲，幾切合「小丑」喪標風格。不過《小丑︰雙瘋》評價相當麻麻，實驗唔多成功，咁票房又如何呢？

根據最新數字，《小丑︰雙瘋》喺北美大約收到4千萬左右，同預期數字有出入。反而海外票房唔錯，共有8100萬收入，加埋都有1億2千幾萬，睇落同上集嘅1億4千萬全球開畫票房差唔多。不過咁，《小丑》觀眾口碑好，帶動到後勁先至碌到有10億。《雙瘋》喺「爛蕃茄」嘅評分得三十左右，頭嗰浸觀眾fans鐵票支持過後，票房應該會相當難睇，對於成本近2億嘅《小丑︰雙瘋》而言，片商華納應該期望返到本，好似上集咁又10億？難啲喎。

通常新片上映首個周末，票房係最好表現，之後個禮拜條數通常都會跌。但外媒Deadline嘅報導指出，《小丑︰雙瘋》喺北美，首個周五收2千萬，到周六已經得返1140萬，少咗45％，即係話未過周末已經跌跌跌！Deadline引述行內人評論，認為《小丑︰雙瘋》票房失利，唔係市場問題，而係創作上嘅問題。

更多電影文章

小丑：雙瘋／荒野機械人／人海同遊／再見熊貓福寶／志願軍第二部︰存亡之戰︳電影LOL 今期睇咩戲

占士甸傳記片揭壞孩子同性情史 戲劇班男同學變地下情人︳電影LOL

劉青雲新片《爸爸》以享和街少年弒母殺妹案為藍本 家破人亡睇到心噏︳電影LOL

《28年後》全片用iPhone拍攝 竟然係用呢個型號︳電影LOL

茱莉亞羅拔絲大佬認叻「個妹有今日全靠我」 出自傳跪低認衰︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！