《漂亮朋友》冇俊男掛帥嘅內地同志片成金馬獎最大黑馬 網民形容係中佬版《七月與安生》︳電影LOL

金馬獎入圍名單星期二揭曉，唔少香港電影人獲得提名，最佳女主角更加有3位香港女演員（《看我今天怎麼說》鍾雪瑩、《我談的那場戀愛》吳君如、《從今以後》區嘉雯）角逐，令人鼓舞。

金馬獎入圍名單同時係尋找滄海遺珠嘅地圖，今年內地導演耿軍嘅新片《漂亮朋友》入圍8項大獎，被譽為超級黑馬，睇埋介紹原來套戲相當有趣。

《漂亮朋友》全片以黑白拍攝，背景係內地東北一個小鎮，入圍角逐金馬獎最佳男主角嘅張志勇，飾演一名其貌不揚嘅中年深櫃，呢位社會邊緣人透過愛情尋找認同，拯救自己，過程中出現唔少幽默又無奈嘅場面。

金馬執委會執行長聞天祥形容，《漂亮朋友》係華語同志電影「地板跟天花板」、「頂天立地的作品」，因為一方面打破了同志電影當中的常見、由俊男美女做主角嘅傳統，以多位中年男性們作為主角，呈現出來嘅高明幽默感同埋開放態度，加上電影精彩嘅節奏，令評審們歎為觀止，仲認為係今年金馬嘅超級大黑馬。有網民睇完更形容《漂亮朋友》係中年同志版《七月與安生》，吓？！

以《漂亮朋友》嘅故事，相信好難喺內地公開放映。而目前電影嘅宣傳資料唔多，令人更想知道《漂亮朋友》有幾高質！

更多電影文章

小丑：雙瘋／荒野機械人／人海同遊／再見熊貓福寶／志願軍第二部︰存亡之戰︳電影LOL 今期睇咩戲

占士甸傳記片揭壞孩子同性情史 戲劇班男同學變地下情人︳電影LOL

劉青雲新片《爸爸》以享和街少年弒母殺妹案為藍本 家破人亡睇到心噏︳電影LOL

《28年後》全片用iPhone拍攝 竟然係用呢個型號︳電影LOL

茱莉亞羅拔絲大佬認叻「個妹有今日全靠我」 出自傳跪低認衰︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！