《神鵰俠侶：問世間》羅嘉良飾演郭靖被嫌殘 網民：史上最老郭靖

相信唔少香港人都有睇過金庸嘅武俠小說，而其作品被多次翻拍成電影及劇集，更成功捧紅多位男女主角，最近內地電影《神鵰俠侶：問世間》釋出演員陣容預告，不過唔少網民就留言狠批飾演郭靖嘅羅嘉良，認為佢有毀經典。

內地電影《神鵰俠侶：問世間》釋出演員陣容，楊過及小龍女搵嚟非一線藝人嘅趙華為及王梓蒓飾演，雖然男女主角唔係太出名，不過都有一班資深演員飾演其他角色，例如羅嘉良飾演郭靖、李子雄飾演丘處機、及梁小龍飾演歐陽鋒等等。不過喺預告出街後，唔少網民都對演員陣容有意見，當中羅嘉良慘被大批網民狠批，例如「我覺得羅嘉良不適合演郭靖。」、「史上最老郭靖」、「楊過20歲的時候郭靖大約40歲，羅嘉良太老了」 、「唔好破壞得唔得啊！佢係楊康，永遠嘅楊康」、「羅嘉良演郭靖？」及「楊康演郭靖？？？」等等。

另外，亦有網民認為羅嘉良喺戲中造型，與大佢14年嘅羅樂林撞樣，而羅樂林喺50年前曾經飾演楊過，而幾年前亦有喺《愛·回家之開心速遞》再次扮演楊過，唔知大家覺得佢哋似唔似樣呢？

《神鵰俠侶：問世間》其他角色：

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！