雅虎香港新聞 《2022香港小姐競選》未舉行 維基百科就有比賽結果流出？
TVB年度盛事《2022香港小姐競選》準決賽及決賽分別將於9月4日及9月25日舉行，一眾佳麗已經全力備戰，務求以最佳狀態示人。近日就有網民發現2022年度香港小姐競選中文維基百科網頁，竟然出現咗「比賽結果」，仲詳細「預測」三甲五強。
2022年度香港小姐競選嘅中文維基百科中，有女版曾比特之稱嘅1號佳麗徐麟（Astrid）、「張銘鳳」（應為陳銘鳳）及王子蝶，分別係冠亞季軍，楊溢和張可欣亦成功晉身五強。而最上鏡小姐及友誼小姐則分別由許子宣（萱）及敖家楊（揚） 奪得，不過呢個預知賽果喺噚日（23日）下午被刪除。
雖然呢個瘋狂寫錯佳麗名嘅預知賽果已經被消失咗，不過就有新一個版本出現，而呢個版本就更加搞笑，五強佳麗竟然分為樣貌及身材兩方面。喺樣貌方面，冠亞季軍分別喺梁超怡、王子蝶及張光怡，而張可欣和林曉彤亦成功躋身五強。至於身材方面，五強順序為林曉彤、馮嘉敏、刑慧敏、徐麟及林鈺洧（Denice）。而最上鏡小姐及友誼小姐就分別由梁超怡和張光怡奪得。
是日精選
「億萬駙馬」伍富橋五千尺豪宅再曝光 買公仔要三位工人姐姐幫手開箱
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
