【電影LOL】歌手傳記片拍極仲有 片商敲定拍雪兒生平

又一天后生平將被搬上大銀幕！荷里活片廠Universal決定開拍美國流行樂天后雪兒（Cher)傳記電影，更得到天后本人認證，喺自己75歲大壽當日親自出post公佈喜訊！

近年都有幾多音樂人傳記片，有以樂隊Queen為主角嘅《波希米亞狂想曲：搖滾傳說》，之後又有紀錄「樂壇大姑媽」Elton John生平嘅《搖滾太空人》，2套電影囊括幾個奧斯卡獎項及提名之餘，票房仲大收。之後荷里活就不斷有音樂人傳記片推出，包括David Bowie傳記片《大衛寶兒l無盡星塵》，確定開拍但未出街嘅仲有有關Prince、Michael Jackson嘅傳記片。

男音樂人嘅電影已經有幾部，反而流行天后嘅，除咗Madonna外就未有傳記片推出。今次Universal確定開拍Cher電影，一班雪兒迷不知幾雀躍，因為天后多年來作品不斷，就算年屆70仍然每隔3年就開一次巡迴演唱會，受歡迎程度可見一斑。最勁係舞台魅力及體力依然強勁，令人佩服！

叫得做流行天后，Cher唔止音樂事業出色，做演員一樣咁勁。1983年轉戰大銀幕同梅麗史翠普合作Silkwood，就獲提名奧斯卡最佳女配角，仲贏咗座金球獎；1985年又憑Mask做咗康城影后，1987年演浪漫愛情喜劇《月滿抱佳人》（Moonstruck）攞埋奧斯卡影后，阿姐一拍戲就實有獎攞咁滯！

Cher多年來喺時裝方面引領潮流，個性不羈衣著大膽嘅佢，以往多次出席紅地氈嘅造型都成為時裝經典，連名媛Kim Kardashian、Lady Gaga、Christina Arguilera都視Cher為偶像，久唔久就會重現天后經典造型致敬，影響力歷久不衰！

加上Cher大力支持同志圈，經常為同志發聲被視為icon人物，維基百科直頭將佢為同志圈嘅貢獻獨立成章。天后對動物權益亦相當有心，參與過拯救大象行動，聲色藝俱存加上社會責任，難怪可以喺娛樂圈屹立多年不倒！

Cher歌影視成就非凡，幾十年事業要濃縮成2個小時電影都幾考功夫! Universal好有心搵嚟Cher好友《阿甘正傳》、《星夢情深》奧斯卡得獎編劇Eric Roth執筆、《媽媽咪呀！》監制Judy Craymer、Gary Goetzman坐陣。據聞電影形式類似《波希米亞狂想曲：搖滾傳說》，劇情及演唱片段兼備！唔知Cher會唔會親自上陣演出呢？

更多電影文章

【電影LOL】今期睇咩戲 《F9狂野時速》玩哂 仲有日本好戲《間諜之妻》

【電影LOL】奧斯卡得獎作《醉美的一課》拍美國版 里安納度做主角 會唔會變《醉爆伴郎團》？

【電影LOL】《老友記》25週年特集下周推出 Lady Gaga BTS客串陣容勁到喊

【電影LOL】外媒勁眼利 中央台一幅圖睇出 Marvel新片《尚氣》《永恆族》可能被內地封殺

【電影LOL】瘦到背脊見骨！彭于晏減磅拍《熱帶往事》演變態殺人犯

【電影LOL】被指白人主導兼恐同 電視台、影星齊齊杯葛金球獎 湯告魯斯退還獎座

【電影LOL】玉女Lily James演90年代波神 還原荷里活明星性愛片流出事件

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！