雅虎香港新聞 九龍灣美食︱打工仔食堂日賣過150份！足料雲吞雞+酸菜魚米線
九龍灣廠廈這間食堂，下午茶時段的雲吞雞竟然只需42蚊！湯底還是熬足五小時的雞骨豬骨湯！即睇Yahoo Food專訪：
與觀塘屬一區之隔的九龍灣並非搵食勝地，但近排有間主打雞湯米線的小店頗有人氣，就算全店座位可容納近200人，lunch time 時仍日日爆滿要排隊，幾款小店王牌，像雲吞雞，酸菜魚米線及海南雞飯，每款都日賣過百份，同區而言，絕對是實力表現。
👉🏻全新Yahoo Food Instagram上線啦！立即Follow獲取更多飲食攻略
招牌雲吞雞！家庭feel鮮雞湯底
小店「魚川居」並非新舖，觀塘總店在4年前開業，由細舖做起，再開到九龍灣。店主陳先生相信雖然米線店隨處可見，但只要用心做湯底，食客還是會識貨回頭。也因此，全店靈魂雞湯膽做得有心機，落足料，用鮮雞，包括雞殼及豬骨等熬足5、6小時，不留隔夜，一碗主角「雲吞雞」上枱，湯頭米黃，見到點點雞油在湯面，入口鮮甜有住家feel，單飲幾啖都不會口渴。雲吞自己包，大大粒，用新鮮豬肉，雞則用三黃雞。火喉是秘密，但見到雞皮鮮黃， 雞肉juicy不嚡口，才$65/份其實超值。難怪閒閒地日賣過百份，高峰時150份，成績認真不錯。
湯底以豬骨及雞骨等熬5至6小時，配兩種不同酸菜，入口酸道及辣度強勁平衡，辣得來又不會太刺激。
下午茶時段！最平$42食到雲吞雞
店三大王牌之一的「酸菜魚米線」都很受熟客喜愛，湯膽同樣用熬足5、6小時的雞骨及豬骨湯膽，配兩種不同酸菜，一種取酸香，一種取口感，麵條滑溜，湯底酸度辣度充足而平衡。當然還有海南雞飯，油飯色澤金黃，用雞湯熬煮，三黃雞過兩次冷河，火喉控制得宜，件件無骨又滑溜。除了店中幾款王牌，這裏另有十款不同口味的手撕雞，有黑松露醬、胡麻醬、口水雞醬、麻酸辣醬、花雕、蔥油及沙薑等，一樣可配米線或飯底。值得一提的是小店於星期一至六，下午1點40分至4點半時有特價下午茶時段，海南雞飯(包例湯及餐飲)都是$40/份，雲吞雞$42/份，酸菜魚米線都是$42/份，抵食得過份！
先以油把雞翼浸至半熟，有order時才即叫即炸約3分鐘，皮脆肉嫩。
店主說萵筍是出奇地受歡迎，清爽去膩。
魚川居
地址：九龍灣宏冠道8號金漢工業大廈1樓5-6室(地圖按此)
電話：37092310
全新訂座平台「Yahoo訂餐廳×Openrice」正式上線！
更多九龍灣美食推介
九龍灣美食︱型格川菜「川公館」抵食重慶豆花烤魚+啤酒煮小龍蝦
九龍灣美食｜一人薄餅專門店！推介四重芝士pizza+足料意式肉腸
九龍灣美食｜元朗燒賣皇后妙舒進駐淘大花園！$12/5粒自家製香菇豬肉燒賣＋秘製辣醬
【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯
【九龍灣外賣】Deliveroo戶戶送九龍灣首設戶戶小廚 消費滿$200享75折優惠
【九龍灣火鍋】犇殿台灣火鍋任食火鍋放題 $178起食盡回本靚牛
九龍灣美食廣場Foodeli午餐推介10間 限時全單8折優惠
MUJI無印良品九龍灣旗艦店開幕！全港最大分店：日本食材/茶米/手造麵包
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
