傳黃建東戲假情真暗撻「40億千金」蔡頌思 有機成為無綫下一位億萬駙馬?

黃建東疑似秘撻40億千金蔡頌思

現年40歲嘅黃建東(Derek),2011年參加香港先生選舉後入行,多年嚟參演過唔少劇集,近年Derek以搞笑形象殺出血路。佢除咗拍劇之外,近日更踩入舞台劇界,夥拍魏駿傑、阮德鏘、蔡頌思(Jocelyn)及張之鈺等演員合演《老公你好悶呀》。黃建東喺舞台劇中與蔡頌思飾演一對夫妻,佢哋有唔少親熱戲份,更經常喺社交網站放閃,有報道指二人疑似戲假情真,擦出愛火花,唔知佢有冇機會成為無綫下一位億萬駙馬?

有報道指黃建東同蔡頌思因演出舞台劇日久生情,除咗劇內甜蜜之外,佢哋更被傳媒影到低調出街拍拖。近日黃建東努力喺社交網站為舞台劇宣傳,不時上載與Jocelyn嘅劇照並sweet爆留言,例如「My dear老婆,今日因為8號風球冇得見你,聽日等我錫返夠本先。See u tmr~」、「終於落番3號波,今晚一切如常。老婆仔,今晚一起取暖吧!」、「自己鍾意發癲,癲完又要人氹番,呢個老婆有時候真係令到人好激氣呀~」及「不過我老婆有時都真係又癲又煩….」等等,唔少網民都猜測佢哋成功撻着。

現年28歲嘅蔡頌思(Jocelyn)來頭不小,畢業於香港中文大學英文系,身為自由身演員嘅佢有唔少幕前演出經驗,例如《家和萬事驚》中飾演袁詠儀個女。Jocelyn上年曾參加香港小姐,當時佢已被網民踢爆係已故「海產大王」蔡繼有嘅孫女,而爸爸就係新華集團主席兼全國政協委員蔡冠深,身家背景相當雄厚,所以佢除咗被封為「翻版鍾嘉欣」,更有「40億千金」之稱。當時被視為大熱嘅佢突然宣告退選,原因係與合約問題有關。

黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東(Derek)與蔡頌思疑似合作舞台劇撻著
黃建東
黃建東
黃建東
黃建東
黃建東
黃建東
蔡頌思
蔡頌思
蔡頌思
蔡頌思
蔡頌思
蔡頌思

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!