環球趣聞|全球最賺錢「旅遊大使」熊本熊 商品銷量突破1兆!
被稱為「公務員」兼「旅遊大使」嘅日本熊本縣吉祥物熊本熊自2011年「出道」後一直大受歡迎,其可愛又笨重但身型靈活嘅反差萌,的確十分討喜。熊本縣政府剛公佈熊本熊出道10年,其商品銷售額累計突破1兆日圓(約65億港元)!
其實熊本熊本身為九州新幹線推出嘅吉祥物,為推廣九州JR之用,不過後來因為大受歡迎,竟然被「升職」提拔成「營業部長兼幸福部長」,仲擁有自己辦公室,遊客可以入去同佢玩及參觀呢!一直以嚟熊本熊採取「零授權費」策略,即係話任何商品只需向官方提出申請,只要批准就可以免費用熊本熊作為產品,所以可以令其周邊產品迅速推及全國甚至海外。唔知日本政府會唔會考慮一下,再幫熊本熊升職呢?
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: