環球旅遊｜冰川融化 尼泊爾珠峰大本營需搬遷？

世界第一高峰珠峰每年吸引數百人前往登頂，要登頂嘅大部分都需要先於珠峰大本營（Everest Base Camp）逗留，接受一段時間嘅高山訓練，等身體適應珠峰高度然後再登山。不過隨住氣候變化，連帶珠峰冰川都開始融化，尼泊爾政府正計劃將大本營向下搬遷。

大本營目前位於海拔5,400米處，過往登山人士於此處需要切冰再煲成冰水使用，但近年已經可以直接取用冰水，可見冰川已經開始融化；對於大本營嚟講其實係十分危險，因為可能會發生雪崩。目前計劃於2024年將大本營向下遷移200至400米左右，不過都需要與當地山中居民協商，以免太接近民居。

另外唔少環保人士都批評冰川融化除咗因為全球氣候上升之外，每年大批登山人士於大本營活動都會增加碳排放，例如煮食排出嘅熱氣，希望尼泊爾政府盡快減少每年登山遊客嘅配額呢。

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

沖繩旅遊丨石垣島VS宮古島點揀好？日本Youtuber列出7大重點 人數/日數/交通方式成關鍵！

日本旅遊｜失傳幾百年！日本意外發現古代忍術秘卷

旅遊趨勢｜8成港人一年內會出發外遊 料出現「報復式旅遊」！Klook調查：6成人最想去日本

環球趣聞｜巴基斯坦金融危機 竟呼籲民眾每日「飲少幾杯茶」慳錢？

俄烏戰爭｜烏克蘭「種子銀行」面臨戰火 種子恐全數摧毀