雅虎香港新聞 北京環球影城開幕一星期問題多多 員工偷拍裙底
迪士尼之外另一主題樂園王者「環球影城」首次於中國插旗，於9月20日正式喺北京開幕！當中主題園區包括「變形金剛」、「Minions」、「進擊之巨人」等，不過開幕個多星期後卻發生眾多問題，其中包括遍地垃圾，唔少人仲反指樂園提供嘅垃圾桶唔足夠，導致大家要亂拋垃圾，真係聞所未聞。另一大指控就係樂園遊樂設施個人安全及健康問題，有唔少人玩過當中變形金剛過山車後出現唔舒服，甚至有人去求醫後，仲發現已經導致頸椎移位，十分誇張。
而近日仲發生一件離奇事件，一位女遊客於樂園當中，竟然被一位員工以電話偷拍裙底，而該員工被發現及制伏後，樂園竟然諗住以「免費再玩一次機動遊戲」作為補償，其行為簡直令人髮指。及後園方雖已即時終止該員工的勞動合同將他辭退，但仍牽起軒然大波。不過樂園始終只係開幕了十幾日，希望園方盡快改善，令遊客有個愉快體驗啦！
（圖：鳳凰號@微博）
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
香港好去處-mirror-六大mv遊香港-打卡-megahit-特務肥姜-不可愛教主-boss-e先生連環不幸事件-虎道門
