雅虎香港新聞 占士金馬倫澄清楊紫瓊《阿凡達3》未出場 要睇最快等多x年！︳電影LOL
占士金馬倫執導嘅鉅製《阿凡達》2009年上畫後成為全球票房之冠，相隔13年先有續集《阿凡達2：水之道》。而《阿凡達》系列亦敲定將會開拍多三集，仲會搵首位華裔金像影后楊紫瓊演出。
占士金馬倫早前接受外媒Entertainment Weekly訪問時確定，楊紫瓊飾演嘅科學家將會喺第4集先出場，並形容個角色好有趣。《阿凡達》系列製作經年，而喺拍攝《阿凡達2》嘅時候，劇組已經拍定部份第三及第四集戲份。《阿》已故製作人Jon Landau就曾經post過楊紫瓊喺片場嘅相，仲話楊會現身《阿凡達3》，因此外界都以為下一套《阿凡達》就會見到Michelle。
導演解釋，未推出嘅3集《阿凡達》劇本一早寫好，於是拍第2集嘅時候可以拍埋更多其他集數戲份，主要因為部份演員仲年輕，拖多陣可能個樣已經唔同咗。
根據上周占士金馬倫喺D23嘅公佈，《阿凡達》第3集Fire and Ashes將於2025年12月19日上映，第4集喺2029年底推出，至於壓軸嘅第5集就要等到2031年底。即係話，要見到楊紫瓊喺《阿凡達4》嘅演出，至少等多5年啦唔該。
更多電影文章
異形：羅穆盧斯／鬼才之道／男航女機師／老嘢時速／屁屁偵探電影：再見親愛的夥伴，屁屁啊 + 萬事OK俱樂部 VS 怪盜U︳電影LOL 今期睇咩戲
華堅芬力士臨陣辭演同志愛情片得罪業內監製 下場未必太慘因為錢作怪？︳電影LOL
《痛愛完成式》導演兼男主角Justin Baldoni 被傳犯眾憎 首映禮同女主角Blake Lively零交流︳電影LOL
《痛愛完成式》開畫收8千萬美金「死侍」伉儷包辦北美票房冠亞軍創紀錄 ︳電影LOL
美國有貓貓片電影節入戲院專睇喵星人 負責人一年睇萬五條片揀蟀︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
