彩虹邨重建・睇片｜時光倒流60年 金碧酒家留住懷舊味道 揸咪人貞姐不捨：講兩講我就喊｜Yahoo

【Yahoo 新聞報道】晚上鑽進彩虹邨，經過一排老舊商鋪，有間酒家總是人聲鼎沸、坐無虛席。與彩虹邨大有淵源的金碧酒家，道道傳統粵菜陪伴著彩虹邨經歷歲月變遷。對於彩虹邨將迎來重建，金碧第二代一眾兄弟姊妹雖有心理準備，亦坦言不捨，「有少少可惜嘅，起碼都做咗咁耐吖嘛！好多熟客、好多街坊、好多朋友，認識咗好耐，有感情喺度吖」。記者訪問當日，有熟客大表不捨，即席高歌《每當變幻時》，懷緬過去常陶醉，從杯觥交錯當中回過神來，便知時光去。

金碧酒家近年只經營晚市，阮家三哥阮振強師傅（強哥）解釋，因年紀「有返咁上下」。阮家上下均是金碧的主事人，「大哥做油雞檔、二哥買手、家姐做收銀、樓面，我負責……大內總管囉，咩都做，哈哈」，就連接受訪問，也是這位「咩都做」的大內總管負責。彩虹邨的重建計劃預計分三期、十五年重建，「依家都暫時未知將來會點」。

「喂！東華三院籌款呀！」

回想最初落戶彩虹邨之前，強哥的先父阮秋於牛池灣村經營「秋記」茶樓，直至 50 年代末彩虹邨將建成，便投標在邨內開業，1964 年開張至今，轉眼六十載。酒家坐落金碧樓，因而得命。阮秋也是彩虹邨的靈魂人物－－擔任第一代區議員、帶領彩虹邨成為籌款冠軍。強哥記得，父親會帶頭逐層拍門「洗樓」，高呼：「喂！東華三院籌款呀！」居民一呼百應，造就了彩虹邨「富貴邨」、「慈善邨」的美名。

強哥在彩虹邨長大，就讀邨內的彩虹邨天主教英文中學，見證該邨最繁盛的日子，「人呢就好團結嘅！啲街坊好熟，住親喺度，街坊、鄰里都互相幫助」。「嗰時一抽到（彩虹邨公屋單位），啲人廿幾歲入嚟生兒育女，人口就好多，食肆、小販都旺」，加上彩虹是九龍區的重要轉車站，「七、八十年代，我哋嘅營業時間係朝早 5 點半至夜晚 12 點」，不只金碧，「成條路都擺滿曬小販」，甚為熱鬧。不過隨著「彩虹邨第二代」的成長而遷出，人口逐漸老化，居民減少。根據「房屋委員會公共租住房屋人口及住戶報告」，截至 2023 年 12 月彩虹邨認可居民只餘約 1.7 萬人，是整條邨可容納人口數字的四成。

彩虹邨重建消息一出，金碧去向尚未明朗，客人查詢爆升三成，動輒須提早大半年預訂。強哥說：「好多客人都話，喂唔捨得呀！所以會多啲嚟」。不少名人藝人曾是座上客，包括新世界發展副董事總經理鄭家成、香港電台前副廣播處長吳錫輝、金牌經理人黃柏高、演員謝君豪及前新聞主播方健儀等。酒家內貼上不少客人的合照，阮家三家姐貞姐笑言，以前並無刻意與客人合照，至近年手提電話拍照功能進步，便把握機會與客人留影。

錦鹵雲吞配「八珍錦滷雲吞汁」

吸引大批客人提早預約的，是該店數十年不變的懷舊風味。多款懷舊菜一直沿用傳統做法，例如錦鹵雲吞附上的不是普通糖醋醬，而是「八珍錦滷雲吞汁」，內含豬潤、肉片、洋蔥、青椒等，配上扁平狀雲吞皮，而非坊間現時常用的春卷皮。咬下去鬆脆之餘，與醬汁相當配合；杏汁豬肺湯杏味香濃，豬肺處理得宜無異味；酥炸蟹鉗使用蝦膠包裹蟹鉗炸成，強哥強調「無溝粉」，咬下去彈牙且蝦味濃郁。其他經典菜式如八寶鴨、蜜汁燒鱔球、魚腸蒸蛋、金華玉樹雞、荔茸香酥鴨、花雕蛋白蒸海蝦，都是坊間少見。強哥刻意保留懷舊味道，「間間都可以創新，但唔係間間都可以保留到舊式嗰啲味道」。

金碧酒家仍維持當年開業時的原貌，強哥說，或許這是客人喜歡來聚舊的原因，「呢啲地方就比較適合佢哋懷緬過去，你可以去五星級酒店，但會無咗呢種（懷舊）feeling（感覺）」。現時大部份客人都是區外客，「我哋啲員工同顧客，打成一片㗎喇！」首次到訪金碧的記者現場觀察，客人甫踏入酒家就「natural high」，氣氛熾熱高漲；金碧允許客人自帶酒水，不少客人攜同多支美酒品飲；鄰桌菜式上菜，客人互不相識亦會一同歡呼，甚至主動邀請一同分享。多檯食客均熱情非常，主動夾上一碟又一碟蒸頭腩、炆鴨、茄汁大蝦等菜式送予記者：「好好食㗎！你哋一定要試！」

酒家的熱鬧氣氛，由「揸咪人」貞姐牽頭帶起。她拿起咪高峰，在上菜期間向客人介紹特別菜式，簡單一句：「茄汁大蝦嚟喇！」即令全場歡呼。當有特別來賓到場，貞姐亦會開咪簡介。當貞姐介紹《Yahoo 新聞》記者到場採訪，食客隨即歡呼，笑著大叫：「影得我靚啲呀！」又有食客向攝影機揮手「記住影到我呀！」貞姐亦會為食客慶祝生日，帶領全場齊唱生日歌，更有食客排隊「揸咪」唱歌，全場打成一片。問及貞姐對金碧酒家可有不捨？她直言：「一定啦！再講兩講我就喊㗎喇！」

重建巨輪轉動，金碧能否獲得重置亦是未知之數，第二代也步入退休之齡。假若彩虹邨全邨重建，最想保留甚麼？強哥希望留下彩虹邨入伙時寫有建築資料的屋邨紀念碑，「第二啲你可以重建，但呢樣嘢唔可以重建，因為嗰個係地標嚟，最有歷史價值呀嘛！」