愛回家丨「風神CP」陳浚霆古佩玲戲外都sweet爆疑戲假情真 網民：肯定偷偷開始咗

TVB處境劇《愛·回家之開心速遞》劇情輕鬆搞笑又溫馨，深受觀眾及網民歡迎。劇集仲造就咗多對深受歡迎CP，例如有大小姐（林淑敏飾）與送水輝（許家傑飾）、熊若水（呂慧儀飾）與龔燁（張景淳飾）等等，而最新嘅就有「風神CP」風少（陳浚霆飾）與神婆June素素（古佩玲飾）同樣備受關注。近日劇中一班演員前往廣州出席宣傳活動，期間二人喺人前人後都好似糖黐豆咁，有時仲搭膊頭同拖手仔，唔少網民都懷疑佢哋假戲真做，大讚sweet到爆。

34歲嘅「風少」陳浚霆及24歲「素素」古佩玲喺劇中飾演互鬥互撩嘅歡喜冤家，不過自從二人喺7月播出嘅一集意外咀嘴後，越嚟越多感情戲，關係漸漸明朗化。佢哋唔止戲內感情突飛猛進，戲外同樣sweet到爆。近日佢哋與劇中演員前往廣州出席宣傳活動，著上情侶鞋嘅二人除咗喺活動上拼出心形手勢及訪問時陳浚霆主動攬實古佩玲膊頭之外，更被網民影到不時拖手及喺背後拖手仔，完全零避忌，所以唔少懷疑佢哋假戲真做，留言話「背後玩手仔那裡好自然，不像營業」、「他們好像在現實中真的在一齊了」、「支持假戲真做」、「這兩人，看這親密程度，百分之九十是在一起了」、「我覺得係啦！！好自然！」、「鞋子都是情侶款」、「肯定已經偷偷地開始咗了，等公布哈哈哈哈哈哈哈哈哈」、「好甜，古佩玲看風少眼神是心心眼」及「感覺他們有情況，好甜啊！」等等。

另外，早前陳浚霆開設小紅書帳戶，聲稱帳戶係為女方已開：「古佩玲說好的，因為你，我登陸了，祝你生日快樂，事事順心順意，開開心心，身體健康！you are the best!」當時已經引起網民懷疑嘅關係。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！