新蒲崗美食︱親民價韓燒店晚市最平$22.5!食到燒肉餐 下午茶燒肉$10至$15/碟
新蒲崗這間小店最近有個晚市八時半後買一送一的烤肉套餐優惠,最平$22.5就食到!即睇Yahoo Food專訪:
出街食韓燒,無三四百蚊埋唔到單。如果你自問對肉的質素不是十級講究,只想平平地,過一過韓燒癮。不妨一試新蒲崗這間開業一年多的韓燒舖「一韓燒」,小店早排推出晚上8:30pm後買一送一的燒肉餐優惠,最平$22.5就食到一份燒肉餐,有飯有湯有前菜有燒肉,仲想點?
👉🏻全新Yahoo Food Instagram上線啦!立即Follow獲取更多飲食攻略
晚市八時半後 燒肉套餐 買一送一
餐廳位於新蒲崗商場Mikiki,就算不計優惠,平日都走親民價。一系列十一款韓式燒肉套餐,最平$45蚊(100g肉)就有交易。餐廳老闆Jimmy說8:30pm後的買一送一優惠推出後頗受街坊歡迎。不過當中熱賣的不是最平(正價$45)的「黑毛豬五花拼嫩雞肉」,而是原價$108(250g肉) 的「牛橫隔膜拼牛脷拼雞肉」套餐,買一送一之下,$54就吃到一份套餐,包牛舌,牛橫隔膜及雞肉,每份都有四、五片,非常抵食!
買一送一優惠後,即$54就吃到一份。牛橫隔膜,牛脷及雞肉每款都有四至五件,抵食!
下午茶時段 最平$10/份五花肉
買一送一優惠外,下午茶都有優惠。共15款韓燒配料,$10就吃到的肉類包括豬大腸、牛五花、 豬五花、牛舌、豬梅肉、 蒜香雞肉,蔬菜類如冬菇、脆肉瓜、秋葵、南瓜更是$6/份,雖然每碟平均兩三片,但一人叫足兩三款,五六十蚊有找,已經飽肚上心口,特別推介豬大腸及牛五花,燒至外皮香脆,滲出油香。整體而言,雖然不是賣特別矜貴靚肉,但這種價錢,叫到成枱都是烤肉都不會肉赤,特別適合家有有老大嫩的一家大細來大擦特擦。
買一送一優惠後即$22.5就吃到,性價比好高。
淋上抹茶醬,香甜好吃,令烤肉大餐更圓滿。
一韓燒
地址:新蒲崗太子道東638號Mikiki 1樓103A號舖(地圖按此)
電話:26065115
全新訂座平台「Yahoo訂餐廳×Openrice」正式上線!
更多新蒲崗美食推介
新蒲崗美食|突然熱賣!最難handle的流浮山窯燒雞 成新蒲崗名物
新蒲崗美食︱重慶小麵加客家農家菜 農家炒米粉+酸菜魚米線+重慶碗雜麵
新蒲崗美食│麻辣雞煲放題最平$158/位! 2小時任食魚市場直運海鮮
新蒲崗美食|燒牛丼元祖東京チカラめし(Chikara Meshi)開分店 ! 9月食到燒牛肉丼+燒豚肉丼
新蒲崗美食|雲川小鍋米線係被世人遺忘嘅美食?必試麻辣/冬蔭功湯底 原條烤魚叫得過
【新蒲崗美食】浪漫文青咖啡竇 天台水池花園實景+自己手沖咖啡
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸鍋食譜、自助餐優惠,仲有飲食達人教你識煮識食,讓你成為真正全面的美食家,仲唔立即下載?