雅虎香港新聞 新蒲崗美食︱兩兄弟為紀念媽媽開小店做fusion泰菜！泰式滷水鴨飯+牛扒羅望子汁意粉+芒果糯米壽司
新蒲崗這間新泰菜館由一對親手兄弟打理，主打一系列fusion泰菜，有款滷水鴨飯更是取自媽媽小時候為他們煮的菜！即睇Yahoo Food專訪：
要食傳統泰菜就去九龍城，有新意有gimmick的，非油尖旺銅鑼灣莫屬。怎想到三個月前，有間充滿個性的泰式小店落戶新蒲崗這小區？望望餐牌，敢言當中部分菜式是全港獨家！100%由小店自創，風格獨特。
「媽咪曾經講過，其實想見到我同細佬合作開一間餐廳，各盡所長，睇下做到啲咩成績。」泰媽子老闆Frankie
👉🏻全新Yahoo Food Instagram上線啦！立即Follow獲取更多飲食攻略
紀念媽媽 兩兄弟開舖做泰菜
小店「泰媽子」由一對親兄弟，大哥Frankie及弟弟Andy打理，Frankie一向做開餐飲管理，對餐廳行政及日常操作很熟手，Andy則是西廚出身，也做過多年東南亞菜，廚房自然由他把關。兩兄弟本來各有各做，直至上年，媽咪仙遊。「媽咪曾經講過，其實想見到我同細佬合作開一間餐廳，各盡所長，睇下做到啲咩成績。」Frankie說。
店名中的「媽子」一方面有紀念媽媽之意，二來「媽子」諧音「麻吉」，即好兄弟，一詞兩義，很有意思。由於媽媽是泰國華僑，開餐廳，順利成章就做泰菜。不過Frankie補充：「媽咪從來無留低任何食譜，或傳授過煮法。」現時餐廳菜式都是二人邊做邊試，憑味覺回憶，重塑小時候吃到的滋味。「其實一定學唔到十足十，亦無必要，因為媽咪當時煮的是家庭菜，配料煮法都簡單，味道也較濃，未必適合香港人口味。我同細佬都調整過味道，希望清淡些，也刻意另配料更豐富。」
鴨油 鴨胸 鴨肝伴飯
說是fusion泰菜，在這裡，你不會找得到傳統泰菜如炒咖哩蟹、馬拉盞通菜、蒸鱸魚、濕炒豬肉河、炒金邊粉等。幾款招牌菜都是兄弟二人加入不同元素構思出來。像「鴨哥哥飯」，Frankie取材自小時後媽媽給他們煮的滷水鴨飯，他用類似潮州滷水滷煮鴨胸，加西式煎鴨肝，再以自製的鴨油拌飯。出來的油飯香口，鴨肝甘香，鴨胸啖啖嫩肉，配搭好吃。還有同是童年回憶之味的「媽子四寶飯」，有自己炸的燒腩仔、辣菜脯、太陽蛋，最特別是用泰式臘腸，粗身香甜。
羅望子做汁炒意粉
餐牌另有五款意粉，分別配不同風味配料如香辣肉碎、牛扒羅望子汁、香醋鴨肉及冬蔭功蟹肉，當中最突出是「泰北薄牛扒酸粉」，煎至七成熟的西冷配自己調過味的羅望子汁香炒，香酸有層次，帶點果香，也吃到果肉。甜品都特別，Frankie由個人經驗出發：「我好鍾意食芒果糯米飯，但成日都覺得分開食好麻煩。」於是他想出把芒果直接放在糯米飯面，夾成一件壽司，輕鬆一啖入口。全店菜式都以一人份量為主，$100樓下有交易，性價比好高。
泰媽子
地址：新蒲崗景福街55號地舖(地圖按此)
電話： 91688233
全新訂座平台「Yahoo訂餐廳×Openrice」正式上線！
更多新蒲崗美食推介
新蒲崗美食│麻辣雞煲放題最平$158/位！ 2小時任食魚市場直運海鮮
新蒲崗美食｜燒牛丼元祖東京チカラめし(Chikara Meshi)開分店 ! 9月食到燒牛肉丼+燒豚肉丼
新蒲崗美食｜雲川小鍋米線係被世人遺忘嘅美食？必試麻辣/冬蔭功湯底 原條烤魚叫得過
【新蒲崗美食】浪漫文青咖啡竇 天台水池花園實景+自己手沖咖啡
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
